أناشيد ذكرى الإسراء والمعراج | المنشد أبو عابد
فيما يلي أناشيد الإسراء والمعراج للمنشد أبو عابد (زين العابدين الكحكى)، ومنها نشيد ذكرى الإسراء وأنشودة يوم الإسرا يا يوم الإسرا، مكتوبة ومسموعة.
وهذه الأناشيد من التراث القديم في الأناشيد الإسلامية.
ذات صلة:
أناشيد ذكرى الإسراء والمعراج | المنشد أبو عابد
كلمات نشيد يوم الإسرا يا يوم الإسرا
يوم الإسرا يا يوم الإسرا
يا اللي قدومك فرح وبشرى
أنست وجيت وأديك هليت
وهتوحشنا أوام من بكرة
طول العام قاعدين نستنى
ترجع تاني عشان نتهنى
ياللي هواء فيه ريحة الجنة
يملى قلوبنا بنور الذكرى
في السموات اتنصبت زينة
لجل حبيب القلب نبينا
هو رسولنا وهو هدينا
وف أعياده بنلقى العبرة
طار من مكة يقابل ربه
والأشواق بداعب قلبه
ربه دعاه علشان بيحبه
حيا وسلم عند السدرة
شاف النور بعنيه واتملى
نور على نور ومواكب هلا
رق عليه مولاه وتجلى
عند العرش بكلمة ونظرة
عدل الناس والصلا في يمينه
أكبر ركن في شرعه ودينه
جايه ملايكة معاه حرسينه
أصل رسول الدعوة الطاهرة
عيده يارب بخير وسلامة
والإسلام في أعز كرامة
وأدي النصر بانت له علامة
هل علينا في يوم الإسرا
كلمات نشيد ذكرى الإسراء
ذكرى الإسرا رجعت تاني
بتحرك قلبي وأشجاني
الحق اتلبس بالباطل
وبرئ بيقولوا عليه جاني
ذكرى الإسرا ذكرى حبيبة
وتملي م القلب قريبة
وعشان المسلم مش واعي
بتمر عليه ذكرى غريبة
ذكرى الإسرا بتفكرنا
برسول طهرنا وحررنا
بالقدس ومهبط إسراءه
وبأغلى بلادنا وديارنا
ذكرى الإسرا جاية تجدد
أشجان الماضي اللي اتبدد
وصلاح الدين اللي تاريخه
على سمع الدنيا بيتردد
الأقصى مقيد بسلاسل
محتاج لفوارس وبواسل
علشان يتحرر من سجنه
ما زال المسلم متخاذل
ضاع منا الأقصى بتفريطنا
في كتاب وبغفلتنا
وضلالنا وبعدنا عن دينا
من أكبر أسباب نكبتنا
ما تفوقوا يا عالم ما تفوقوا
وكفاية مرارة أهو بندوقوا
من غير الإسلام وطريقه
ما في حد حايوصل لحقوقه
إسلامنا ما يرضاش الذلة
والجبن يزيد الطين بلة
لا مجالس دولية بتنفع
ولا شكوى في جرنال ومجلة
أنشودة يوم الإسراء يا يوم الأسراء
