موقع اسكتشات فنون سمعية وبصرية
نقدم لكم كلمات قصيدة كرامتك لا الشاعر فارس قطرية، مع تحميل القصيدة Mp3 Mp4.
قد يهمك:
كلمات قصيدة كرامتك لا
فارس قطرية
أنا عندي إيمان إن أنا لو عوزت أسند نفسي فأسند ع الله مش ع الإنسان
والراحة بجد من الدنيا إن أنت تعيشها كأنك ضيف
ويادوبك كام ساعة وماشي وعلى إيه هاتعيش عمرك زعلان
إللي بيديك قيمتك مظبوط وتحس معاه راحتك خليك
وإللي بيإذيك ويعذب فيك ارميه وانساه وكأنه ما كان
الواحد بقى يشغل باله بحاجات والله ما تستاهل
وبيحرق دمه وأعصابه على ناس بتفارق بالساهل
وبيبني بيوت ويعيش أحلام ويصبر نفسه بأي كلام
ويقول أنا عارف طبع الناس وبيطلع في الأخر جاهل
حوارات ع الفاضي وع المليان والدنيا بسيطة ومحلولة
إللي بيإذيك ده معشم فيك إنك هتسامح بسهولة
فاليوم في حد أذاك سيبه علشان هتعيط في الأخر
وكرامتك خط أحمر محظور وتصونها من اللحظة الأولى
إللي بيتهاون في حقوقة ما يلموش ع إللي ضيعها
وإللي ما بيخافش على دماغه فيسيب الخلق تصدعها
العشم أبو قلة قيمة وهد عمرو ما بيعلي ويرفع حد
وعملت جميل تستنى السبت
جدعنتك لو عادة اقطعها
والله ماحدش هيشيلك ولا يبقى عليك غير وانت تمام
واللي انت بتحلف بوجوده هتصوم بغيابه 3 أيام
ويا ابن الناس اوعى يغرك اللمة إللي انت في وسطيها
كان غيرك أشطر واتعشم وما خدش من اللمة إلا كلام
وأنا ليه أشتري راحة غيري من غير ما يكون حاسس بي
من غير ما يضحي ويديني وزي ما بديه يتعب لي
أنا ليه هتعلق باللي مالوش لا عزيز ولا غالي وأقول يمكن
ما يروح الله يسهل حاله ويجي إللي يخاف ربنا في
ما أقبلش بحاجة هتتعبني وأقول هتعود وأتحمل
وأعيش وأنا مش مبسوط على إيه وأفضل زعلان بس مكمل
العمر سريع مش حمل جدال ولا حمل نجرب ونحاول
فيه إللي يحبك بعيوبك من غير ما تفكر تتجمل
والله ما مستهلة الحوارات وبسيطة وسهلة ومفهومة
إللي يقدرنا نحب لقاه ونشيل قربته لو مخرومة
إنما نتهان ونعيش أحزان ونقول علشان هيقدرنا
والله ما هيقدر حاجة
الناس بنحايل وتسيايس بس أما تكون عايزة الحاجة
فالحب إللي في قلبك سيبه للشخص إللي يشوفك أهله
للي يوريك فعل وتنفيذ ويجيلك قبل ما تنده له
يختارك من وسط المجموع ويقول لك إنك أحلاهم
فيكون الخير طالع منك بالحب لقلب هيستهله
كلنا عارفين حكايات ع الناس اتظلموا عشان رضيوا بإهانات
قالوا هنستحمل وهاي مرة والمرة بقت عشرة وألوفات
يا تعيش مبسوط يا بلاها تعيش وأولى بك روح واقفل بابك
كل إللي اتهاون في كرامته ماعرفش يصونها لحد ما مات
فبلاش تتهاون في كرامتك
وعجبي
تحميل قصيدة كرامتك لا فارس قطرية Mp3 Mp4
جميلة
مؤثرة فعلا الا الكرامة
اغلى ما يملك الانسان هي كرامته