الخميس , مارس 28 2024

كلمات قصيدة وكتاب الله حلوة الوحدة | فارس قطرية | تحميل Mp3 Mp4

نقدم لكم كلمات قصيدة وكتاب الله حلوة الوحدة فارس قطرية، تحميل Mp3 Mp4

قد يهمك:

كلمات قصيدة وكتاب الله حلوة الوحدة

فارس قطرية

تحميل Mp3 Mp4

كلمات قصيدة وكتاب الله حلوة الوحدة:

عود نفسك يا ابن الناس إنك لما تحب بجد تعمل ألف حساب لوداعك

وإن ساعات الناس الغالية أكتر ناس بتزيد أوجاعك

وإن صحابك ولا حبيبك ممكن يجي اليوم ويسيبك

الأحضان مش كلها صافية ولا تستاهل فتح دراعك

هو الواحد شاف من الدنيا شوية عشان يرتاح وحداني

بس هنعمل إيه في نصيبي إللي بيرميني لناس كرهاني

كل ما أقابل وأرجع أسلم قلبي ونفسي وثقتي لحد

بيعلمني إن أنا ما يصحش أعلق نفسي وأجازف تاني

وأنا مش طوبة ماليش إحساس

أنا إنسان من وسط الناس

بزعل وأفرح برده وأفكر أنا متساب على أي أساس

لا أنا قصرت ولا مشيت ولا خلفت وعود وأذيت

عمر ما قولت كلام جواي يزعل حد وروحت شكيت

عمر ما حد احتاجني في مرة كسرت بخاطره ولا وفيت

يمكن ذنبي إن أنا حبيت

اتعلقت باللي لا يمكن ينفع أبقى معاه وأكمل

وأنا غلطتي رغم اللي حصل لي قولت هحاول واستنيت

فاتخميت

واتعلمت ما تروحش في يوم تشكي همومك للي ما بيحسش بيك يا غشيم

لو روحت توريله جراحك هيبص عليك ويقول ده سليم

في ناس شكواك ليها مذلة وتضيف على همك طن هموم

ما تروحش وتشكي لغير الله ربك موجود وسميع وعليم

أنا ياما حكيت لأصحاب وأقراب في الأخر شمتوا في أحزاني

كنت أحكي لناس حابة تشفوني على أد ما عيش أفضل أعاني

يضحكوا ويقولوا علي عبيط وماليش الحق في أبسط حق

فبقيت ما أحكيش أحسن وبقيت بأرتاح لما أفضل وحداني

مالها الوحدة؟

إن تتعود تبقى تمام من غير ما يكون جنبك إنسان

تتخطى همومك مع نفسك ومالكش ونيس لكن ونسان

تسهر بالليل مع مج الشاي وتسقي النعناع وتفكر

في الناس واللمة الكدابة وتفكر وتضحك على طيبة قلب زمان

لازم تخسر تفاصيل وحاجات علشان تكسب روقان البال

أولهم اوعى تخش نقاش مع شخص كبير وبمخ عيال

اشتري راحتك وامشي براحتك واستخسر قربك في الأندال

وتأكد إن اللي يسيبك فوجوده حرام وخسارته حلال

شتموك وعابوك والعيب فيهم والداخل خارج وسطيهم

ولإنك لسه أبيض وجديد بصفا ووفا كنت شاريهم

ما سلكتش بين جحر التعابين فمشيت ونسيت ودعيت الله

الله لا يردك على بابهم ولا رجلك تيجي في أراضيهم

وكتاب الله حلوة الوحدة

حلوة الأزمات إللي بتيجي وتفضح لقراب

كنت لما بغيب ينسوا وجودي وأكتشف إننا أصلنا أغراب

على رأي الشاعر لما يقول وأنا الشاعر وأنا إللي بقول

كلنا فترات في حياة الناس ومافيش لا حبايب ولا أقراب

وعجبي

تحميل وكتاب الله حلوه الوحده Mp3 Mp4

5 تعليقات

  1. الوحدة عبادة

  2. عود نفسك يا ابن الناس إنك لما تحب بجد تعمل ألف حساب لوداعك

    وإن ساعات الناس الغالية أكتر ناس بتزيد أوجاعك

  3. لا الوحدة مش حلوة

  4. الوحده خير من جليس السوء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *