السبت , فبراير 4 2023

كلمات قصيدة غربة | فارس قطرية

نقدم لكم كلمات قصيدة غربة فارس قطرية، مع تحميلها Mp3 Mp4

قد يهمك:

كلمات قصيدة غربة

فارس قطرية

كلمات قصيدة غربة:

يا رايح أرض أحلامك ونازل عد في الأيام

يا سايب أرضك الخضرا ورايح قول لي فين وبكام

ماموتش لما بوست أمك وخدت الشنطة على كتفك

ومت كتير في حضن الغربة ومشتاق للرجوع فتنام

فلوس بره صحيح بتجيب وبتودي وبتغر إللي في الأنفاق وتعمي عنيه فبيعدي

لكن النومة عند الناس لا بتريح ضهور شايلة

ولا فلوس الغريب هتجيب وعمرك بره هيصدي

أنا إللي اتهان وقال يا جيران خدوني يمكن أداوه

كسبت كتير لكن عمري مع اللي في بيته ما اتساوى

صحيح بارجع بلبس جديد ورحتي تجيب لأخر الحي

لكني بتقتل وأنا حي

وباتكبر وأقول يمكن هنول بكرة وهأرجع أجيب

أكيد تعبي إللي خاد مني ورمي إيديا يوم هيصيب

بصبر نفسي وأنا عارف إن العمر مش هيعود

وأسيب حضن أمي وعيالي وأدور جري ع السراديب

بتحسدني البشر على إيه

على عمري اللي بره الباب

على عنيا اللي بتشوفني وبتشوف أهلي على الأعتاب

على الشوق اللي في عنيهم في كل رجوعه بعد غياب

بتحسدني العيون على ايه يا ريتهم يجوا ويشوفوا

وهو البيت لأهل البيت حنين زي اللي ضيوفه

مشيت بالغصب مش بالكييف

يارمي الحمل على الغربة يارامي الراس في نص السيف

نعيش في الدنيا زي الطيف بنبني للغريب راحة

ما فيش واحد بيطلع بره باب بيته ويلقى الضرب بالراحة

ولو شميتوا ريحة المسك فبرضوا عنيا فضاحة وفيها كلامي وهمومي

بسافر بعد حضن أمي فبلقى دموعها في هدومي

فأنام وأحضنها في الأحلام

وعد ميعاد رجوعي ساعات فتتقل وقتها الأيام

وأقول هأرجع ويمكن بكرة يضحك لي

وأشوف الجيرة والأصحاب وأقول إمتى؟

ولاقي كفيلي بيصحيني من نومي يقول اشنو تجول انت

تحميل فارس قطريه عن الغربه Mp3 Mp4

2 تعليقان

  1. الغربة كربة

  2. بسافر بعد حضن أمي فبلقى دموعها في هدومي

    فأنام وأحضنها في الأحلام

اترك تعليقاً

لن يتم نشر عنوان بريدك الإلكتروني.