الإثنين , أبريل 15 2024

قصيدة مش دايمة لحد مكتوبة | فارس قطرية

نقدم لكم قصيدة مش دايمة لحد مكتوبة الشاعر فارس قطرية.

قد يهمك:

قصيدة مش دايمة لحد مكتوبة

فارس قطرية

كلمات قصيدة مش دايمة لحد:

لو كانت الدنيا هتدوم في إيد إنسان

كان أولى ليها تدوم في إيدين رسول الله

كان فيها ياما ملوك والدود أكل واتكل ولا حد نفعه العز ولا حد نجده الجاه

كام يوم ويعدوا بسلام وهتمشي منها وتتنسي

والموت مافيش فيه تفرقة الموت ده من سنن الحياة

فاسمع هتعبشها مرة فكون خفيف على أي إنسان أو مكان

وإن عوزت حاجة حارب لها الدنيا بتدوس على الجبان

نقي الصديق قبل الطريق واختار صحابك بالميزان

علشان صحابك لو غلط عمرك ما هتحس بأمان

الشكوى للناس تقتلك وتقل منك في المقام

والشكوى لله تعدلك وبيسمعك من غير كلام

لا تشكو للناس جرحاً أنت صاحبه

لا يؤلم الجرح إلا من به اللآلام

ولا تتسند عن الناس الناس سند مايل

ولا تخدعك صحتك الصحة شئ زايل

ولا تظلم الغلبان ولا تإذي يوم إنسان

وإن حد طلبك سند ما تقولش مش شايل

خلي اللي يجي عليك يدعي لمين رباك

وإن سبت شئ ومشيت إياك تبص وراك

إللي يقع منك اعتبره مش منك

إنت هتتخطاه وهو هيتخطاك

سيبك من اللي يقول أنا هموت بعدك

مين اللي مات لما دوقته من بعدك

لو كنت تفرق له ليه مشي أصلاً

كان ليه كدب في كلام أو ليه خلف وعدك

العشرة مش بالحب العشرة بالأفعال

حبينا ناس ياما وقتلوا لنا راحة البال

شفناهم الأحلى وشفناهم الأنضف

وياريتنا ركزنا وما خدنهاش أشكال

كتبوا الغزل أشعار وياك نخش النار

وقعدت أعد أنفار ولا حد قرب شال

الحب أولى يروح لأمك وأبوك ولأهلك

هما اللي بيحبوا الحب البسيط السهل

من غير ما تديهم ولا حاجة يقفوا معاك

وان أنت تنساهم ده في حد ذاته الجهل

ونصيحة من واحد عاش في الحياة شوية

ما تجيش على كرامتك وتهينها أياً كان

هي اللي بقيالك وتمنها من تمنك

وإن أنت تنساها تخسر لقب إنسان

ولا حاجة تستاهل ولا شخص يستاهل

إنك تهين روحك وتيجي على روحك

كرامتنا حساسة لو هنتها مرة

هتعيش سنين وسنين وسنين كتير تتهان

خليك فاكر هتموت هتموت

لو زاد عمرك عن عمر الناس بردك هتموت

هتمدد طولك تحت الأرض وياكل منك دود الأرض

فصلي الفرض وصون العرض

قبل ما ميعاد التوبة يفوت

هتموت هتموت

كدابة الدنيا ونصابة بتضحك عن الناس

بتزين ظلم الناس للناس

وتشوفها تقول حلوة وهتدوم وجميلة وفينا وفين الموت

وفي ثانية العمر يفوت وتموت وهتنزل تحت الطين بالفاس

كدابة الدنيا ونصابة بتضحك عن الناس

خليك فاكر

هأفضل فاكر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *