الثلاثاء , مايو 21 2024

كلمات قصيدة بنت أصول | فارس قطرية

نقدم لكم كلمات قصيدة بنت أصول فارس قطرية، مع تحميل القصيدة mp3و mp4.

قد يهمك:

كلمات قصيدة بنت أصول

فارس قطرية

كلمات قصيدة بنت أصول:

ولإنك حلوة وبنت أصول وعفيفة ومن بيت راجل جد

تستهلي الشخص إللي يشوفك وكأن مافيش في جمالك حد

يتعب علشان يوصل باباك ويقابل ناسك وأحبابك

وتعيشي معاه فرح شبابك ويجيب لك ورد يلقيق بالورد

الغالي ما يخدوش غير غالي وأنت الغالية

أنت إللي تطلي الصبحية من صور البلكونة العالية

بتبصي على الناس وكأنك البنت أم الشعر المسحور

زي الأفلام الأبيض وأسود ومشاعرك خام لسه وخالية

الناس عمالة بتتغير وأنت على وضعك من يومك

الأدب إللي مزين وشك والزوق الواسع في هدومك

مختلفة ورايقة ولسة تمام في زمان الخشا ما بقاش موجود

أما أنت بتعرفي ترضي الله فتنامي وتتهني في نومك

إحنا الرجالة بندور ع الست إللي تدوم

بندور على أم وزوجة تشاركنا في أفراح أو في هموم

بندور على ونس الرحلة والنص الحلو من الدنيا

والست إللي اتربت مظبوط وراجلها يميل تسنده ويقوم

البيت الشبعان حنية هيطلع إيه غير حنية

هيطلع إيه غير قلب جميل وملامح هادية ووردية

والله يا بخته إللي تحبيه هيفوز بالدنيا وبالأخرة

أنواع الرزق كتير لكن أحلاه بيكون ست وفية

تعرفي أنا ليه لسه لوحدي مادخلتش دنيا وبتهرب

علشان أنا عندي تاريخ أسود من بعده مش عاوز أجرب

الناس حوالينا مش أحكي لك ما أنت أكيد شايفة وعارفة

بيكونوا بعيد حلوين جداً والصورة تبوظ لما نقرب

فبقول لك ونصيحة يا حلوة خليكي بوضعك وتمامك

خليكي بأدبك وهدوئك وكسوفك دايماً في كلامك

احفظي قلبك من غشم الناس والوضع البايظ حوالينا

وهيجي الفارس بالخاتم وهينزل يركع قدامك

تستهلي الحب إللي بيطلع وتشوفه الناس ظاهر في النور

الرجالة بيدخلوا من الباب وما فيش راجل بينط السور

طول عمرك غالية فخليكي متشالة بكيسك لونيسك

الحب إللي بيغضب ربك أخرته بيكون تعوير وكسور

أنا جاي من المستقبل أهو وبقول لك إن الدنيا نصيب

ونصيبك ربنا مختاره وإيمانك بيه عمره ما هيخيب

الطيب بيروح للطيب والطير على شكله بيتلاقى

فاتقلي وهتاخدي إللي يصونك ويليق بجنابك يبقى حبيب

تحميل بنت أصول فارس قطرية Mp3 Mp4

2 تعليقات

  1. رائعة جدا يحيا الادب والاحتشام

  2. فاتقلي وهتاخدي إللي يصونك ويليق بجنابك يبقى حبيب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *