أغاني وأناشيد شهر رمضان | مكتوبة ومسموعة

ارتبط دخول شهر رمضان بالعديد من الفنون الغنائية والإنشادية والشعرية، ونستعرض فيما يلي مجموعة من أغاني وأناشيد شهر رمضان مكتوبة ومسموعة ومرئية.

شهر رمضان المبارك | ملف خاص

أغاني وأناشيد شهر رمضان

أغنية وحوي يا وحوي

عبارة “وحوي إيوحا” أصلها فرعوني أو قبطي، وأغنية وحوي يا وحوي، من أشهر أغاني رمضان القديمة المستوحاة من الفلكلور الشعبي.

الأغنية غناها المطرب أحمد عبد القادر، كما غنتها بشكل كوميدي فرقة الثلاثي المرح، كما غناها بشكل آخر الفنان محمد منير.

وننشر عبر هذا الرابط فيديو الأغاني الثلاثة وكلمات الأغاني مكتوبة. للمتابعة انقر هذا الرابط

 

أغنية مرحب شهر الصوم | عبد العزيز محمود

أغنية مرحب شهر الصوم من الأغانى الرمضانية الشهيرة للمطرب عبد العزيز محمود، غناها عام 1966م، وكلماتها تعبر عن فرحة قدوم شهر رمضان المبارك، وتميزه بين شهور العام.

وتشير كلمات الأغنية لفضل وبركات الشهر الكريم وإلى انتشار نور الإسلام، كما تشير إلى فرحة العباد بالصلاة والصيام.

كما تتناول الأغنية الإشارة لمظهر خروج الأطفال عقب الإفطار بالفوانيس المضاءة بالشموع والرقص واللعب في الشوارع ابتهاجاً بهذا الشهر.

وننشر عبر هذا الرابط فيديو للأغنية مع الكلمات مكتوبة. للمتابعة انقر هذا الرابط

 

كليب رمضان هل هلاله ظهر وبان | هشام عباس

كليب رمضان هل هلاله ظهر وبان هى من أداء هشام عباس، وتتحدث عن الذكريات القديمة والتي ارتبطت بقدوم شهر رمضان، وهى تشير إلى الثقافات الشائعة للمصريين خلال الشهر.

وننشر عبر هذا الرابط فيديو للأغنية مع الكلمات مكتوبة. للمتابعة انقر هذا الرابط

 

أغنية رمضان | ماهر زين

كلمات الأغنية:

يا نور الهلال .. أقبل تعال .. فالشوق طال

و القلب سما .. نحو السما .. مترنما

لا لا تنقضي.. أنت للروح دواء

رمضان رمضان .. رمضان يا حبيب

رمضان رمضان .. ليتك دوما قريب

فيك الحب زاد .. عم العباد .. يا خير زاد

رمضان يا شهر القرآن .. فيك أذوق حلاوة الإيمان

لا لا تنقضي .. أنت للروح دواء

كم أهواك يا شهر الصيام

أنا لن أنساك فأنت في قلبي دائما

تمضي الأيام .. ودعائي كل عام

ربي تقبلنا .. يا ربي بلغنا.. بلغنا رمضان

لمشاهدة وسماع الأغنية انقر هنا

 

أغنية رمضان جانا | محمد عبد المطلب

من الأغاني القديمة والشهيرة المرتبطة برمضان، من غناء محمد عبد المطلب، وكلمات حسين طنطاوى، وألحان محمود الشريف.

والأغنية تتناول الاحتفاء بقدوم رمضان وفرحة استقباله، لكنها لم تتناول من مظاهر شهر رمضان سوى المسحراتي فقط، وهو قصور في معاني الاحتفال بقدوم شهر رمضان.

كلمات الأغنية:

رمضان جانا وفرحنا به .. بعد غيابه وبقاله زمان

غنوا وقولوا شهر بطوله .. غنوا وقولوا أهلا رمضان

رمضان جانا أهلا رمضان.. قولوا معانا أهلا رمضان

بتغيب علينا وتهجرنا وقلوبنا معاك .. وفى السنة مرة تزورنا وبنستناك

من امتى واحنا بنحسبلك ونوضبلك ونرتبلك .. أهلا رمضان جانا قولوا معانا

رمضان جانا أهلا رمضان.. قولوا معانا اهلا رمضان

يوم رؤيتك لما تجينا زى العرسان .. نفرح وننصب لك زينة أشكال والوان

فى الدخلة نبقى نطبلك ونهللك اه ونقولك .. اهلا رمضان جانا قولوا معانا

رمضان جانا اهلا رمضان.. قولوا معانا اهلا رمضان

يا مسحراتي دوقلنا تحت الشباك .. سمعنا وافضل غنيلنا للفجر معاك

واعملنا هوليلة تلاتين ليلة حلوة جميلة .. اهلا رمضان جانا قولوا معانا

رمضان جانا اهلا رمضان.. قولوا معانا اهلا رمضان

لسماع الأغنية انقر هنا

 

أغنية هلال رمضان | إيهاب توفيق

أغنية قصيرة بعنوان “هلال رمضان” تصف أجواء رمضان وتميزه عن بقية الشهور بتعبيرات بلاغية، غناها إيهاب توفيق.

كلمات الأغنية:

لما تلاقى نجوم السما مليانة ايمان

واما تلاقى الخير والحب فى كل مكان

واما تلاقى هلال نور فى السما فرحان

يبقى بعوده رجوعك لينا يارمضان

حلو حلو عيال فرحانه بالفوانيس

وحوى يا وحوى مسحراتيه وناس بتهيص

والكل اتجمعوا فى تراويحك يركعوا

فى المغرب يفطروا على الاذان

لمتابعة الأغنية انقر هنا

 

شهر رمضان | تامر حسنى

أغنية رمضانية للأطفال، وتتميز كلماتها أنها توجه نحو أخلاق رمضان بأسلوب بسيط يناب الأطفال، وتشير لأبرز أعمال ومظاهر رمضان من صيام وقيام وقراءة القرآن.

كما تشير لإخراج الزكاة ومراعاة الفقراء، وتعميم المصالحة بين الناس، وصلة الأرحام، وتنتهي بدعوة بحسن الختام قبل الممات.

كلمات الأغنية:

تيجو نصوم شهر رمضان زي ماوصانا ربنا

صوم وصلاة ونقرأ القرآن ونقيم الليل كلنا

ونزكي وندي الغلابة فيه ناس كتير أوي محتاجة

يتحس بيهم وبدموع عنيهم انت ادعي وربنا يديلك الحاجة

عايزين طول الشهر ده نلم شمل العيلة

نفضل على طول بالشكل ده نسأل على بعض كل ليلة

ونصالح الزعلانين ونحس بالمحتاجين دول برضو أهلنا

كلنا عايزين بعد رمضان نفضل زي ماحنا

صوم وصلاة وقرآن وإيمان حنلاقي الدنيا أحلى

مين عارف نهايته امتى؟ مين عارف نهايته فين؟

يارب ارزقنا انت بحسن الخاتمة

يمكن متابعة أغنية شهر رمضان لتامر لحسني بالنقر هنا

 

أغنية تم البدر بدري | شريفة فاضل

كلمات الأغنية:

تم البدر بدري والأيام بتجري

والله لسه بدري والله يا شهر الصيام

حيانا هلالك ردينا التحية

زهانا جمالك بالطلعة البهية

دي فرحة سلامك ولا وداع صيامك

والله لسه بدري و الله يا شهر الصيام

يا ضيف و قته غالي وخطوة عزيزة

حبك حب عالي في الروح و الغريزة

أيامك قليلة و الشوق مش قليل

و الغيبة طويلة ع الصبر الجميل

لسه بدري حبة يتمللا الأحبة

والله لسه بدري والله يا شهر الصيام

بتحلف يتيمك ما تلمح دموعه

و تسره بقدومك و تنور شموعه

و تسيب يوم وداعك فوق الأرض عيد

يا هالل بفرحة و مفارق بفرحة

والله لسه بدري والله يا شهر الصيام

لمتابعة الأغنية انقر هنا

 

أهو جه يا ولاد | للأطفال

الكلمات:

أهوه جه يا ولاد.. هيصوا يا ولاد

أهوه جيه يا ولاد.. زقططوا يا ولاد

في كل عام و يانا معاد .. و عمره مابيخلفش معاد

أهو جيه يا ولاد.. أهوه جيه يا ولاد

جبتلنا معاك الخير كله .. م الصبح نقوم و نحضرله

من قمر الدين و بلح على تين.. و المغرب للمدفع واقفين

قالوا فين

وحوي يا وحوي إياحا.. و كمان وحوي إياحا

أهوه جيه يا ولاد.. أهوه جيه يا ولاد

جبنا الفوانيس أحمر و أخضر.. بعد ما نفطر راح نتحضر

نملا جيوبنا بندق و زبيب.. و نهادي بيهم كل حبيب

قالوا فين

لولا الحبايب لولا جينا.. يالا الغفار

و لا تعبنا رجلينا.. يالا الغفار

أهوه جيه يا ولاد.. أهوه جيه يا ولاد

بعديك العيد و بنفرح به.. و اللبس جديد هنعيد به

كحك بسكر راح نفطر به.. و الزكاة بإيدينا هنوديه

قالوا فين

إدونا العادة.. الله خليكوا

الفانوس أخضر.. الله خليكوا

إدونا العادة.. الشمعة خلصت

أهوه جيه يا ولاد.. أهوه جيه يا ولاد

لمتابعة الأغنية انقر هنا

 

أغنية هاتوا الفوانيس

كلمات الأغنية:

هاتوا الفوانيس يا ولاد.. هاتوا الفوانيس

هنزف عريس يا ولاد.. هنزف عريس

هيكون فرحه تلاتين ليلة.. تلاتين ليلة

هنغني و نعمل هليلة.. و هنشبع من حلوياته

هاتوا الفوانيس يا ولاد.. هاتوا الفوانيس

كل حبايبه راح يعزمهم.. متواعدين وياه

هيفطرهم و يسحرهم.. والخير جايبه معاه

هنغير ريقنا على خشاف.. والفول راح يتاكل حاف

و كنافة و قطايف بيضا.. ياولاد والله سنتكم بيضا

و الصايم يدي حسناته

هاتوا الفوانيس يا ولاد.. هاتوا الفوانيس

م العشا راح تتلم صحابنا.. و نروح كل مكان

و نغني على ضوء فوانيسنا.. أه يا بنت السلطان

و يا بخت اللي يصالح صاحبه.. و يسبق بالخير و يروحلوه

إن شالله ما يقطع لنا عادة.. و يعوده عليكم بسعادة

و اللي يزكي له جناته

هاتوا الفوانيس يا ولاد.. هاتوا الفوانيس

على صوت الطبلة يصحينا.. ينادينا بحنان

قوم صلي عالهادي نبينا.. يالا اصحى يا نعسان

يا صايم قوم وحد ربك.. مين غيره يعزك و يحبك

و ماتنسوش يا ولاد العيد.. بعده هيجي بلبس جديد

و اللي يصلي يشوف كرماته

هاتوا الفوانيس يا ولاد.. هاتوا الفوانيس

لمتابعة الأغنية انقر هنا

 

المزيد من أغاني وأناشيد رمضان:

 

اغاني رمضان، اغاني شهر رمضان، اغاني رمضان القديمه، اغاني رمضان للاطفال، اغاني رمضان 2018، اغاني رمضان كريم، اغاني رمضان مكتوب

تعليق واحد

  1. كل سنة وانتم طيبين
    رمضان كريم

اترك تعليقاً

لن يتم نشر عنوان بريدك الإلكتروني.