موقع اسكتشات فنون سمعية وبصرية
نقدم لكم قصيدة يظلموني ويلوموني، فارس قطرية، كلمات وفيديو، مع تحميل القصيدة mp3، mp3.
قد يهمك:
قصيدة يظلموني ويلوموني
فارس قطرية
كلمات وفيديو
كلمات قصيدة يظلموني ويلوموني:
على الله إحنا سيبنها وماشين في الحياة بضمير
ولا بنخاف من الأيام ولا بنسهر من التفكير
قلوبنا زي شجر الورد مادد جدره في الدنيا
ولو لينا نصيب هنطيب ولو مالناش ما يمكن خير
محدش خاد حاجات مش ليه
ولا زاد رزقه بمزاجه
تابع:
وربك عالم الأصلح ويا بخت اللي ربه كبير
بنحمد ربنا ع الحزن قبل الفرح ونقول له:
شاكرينك يارب الناس وراضين بالنصيب كله
أخدت الظلم عن عبدكم عشان عالم بما فيا
ولا ليا سواك سندي وضهري اللي أترمي في ضله
شوفت الناس يارب إزاي
بتأذي كل شئ غلبان
بيخدوا منا أحلى سنين ويرمونا في أي مكان
فاكرين الحياة دايمة وهما مخلدين فيها
لكن عدلك أكيد أكبر فأنا راضي ومش زعلان
أكيد يارب هتبعت لي إللي يشبه لي
وهتعوضني على همي
تابع:
هالاقي ناس بترضيني بدال ما بيحرقوا في دمي
ولو مكروا وزادوا المكر وافتكروا الحقوق بتروح
فمكر الله أكيد أعظم وأرحم بيا من أمي
فخليكم بما فيكم وزيدوا ظلمكم تاني
ودوسوا على اللي علاكم وخليه يبكي ويعاني
ماهو المتربي ع الإخلاص بيعمل كل شئ لله
والمتربي ع التنتيش بيفضل مؤذي وأناني
لكن هي الحقوق بتروح؟!
ده ربك حتى اسمه الحق
عشان فرعون ظلم موسى
ضرب موسى بعصايته البحر
لاقه اتشق
فمافيش ظالم يشوف الخير
بيمهل بس لا يهمل
تابع:
وهتجولنا تغنوا لنا عشان نرضى
وبردك لأ
شيلوا اللي أنتوا بوظتوه وحاسبوا عليه ودقوا الكاس
تدين تدان بنفس القسوة والتنهيدة والإحساس
ظلم الناس كبير جداً ومش هين
لكن أنتوا كسرتوا قلوبنا وخاطرنا
وهو قلوبنا مج إزاز!
ويعلم ربنا إن إحنا نخاف الله في عبيد الله
بيصعب ع الودان تسمع حبيب لينا يقول الآه
ما بنسبش القريب زعلان ولا نسيب الغريب حتى
ولو شفناك سعيد نفرح وبنقول لك ما شاء الله
فهل يعقل تكون طيب وربك يبتليك بالهم
أكيد مهما الجراح زادت هيجي عليها يوم تتلم
أنا واثق في عدل الله على الظالم وع المظلوم
عشان الظلم مش بيدوم فثق في الله
وسيبها عليه وفك يا عم
ودايما قول
على الله إحنا سيبنها وماشين في الحياة بضمير
ولا بنخاف من الأيام ولا بنسهر من التفكير
قلوبنا زي شجر الورد مادد جدره في الدنيا
ولو لينا نصيب هنطيب ولو مالناش يمكن خير
تحميل قصيدة يظلموني ويلوموني | فارس قطرية | كلمات وفيديو mp3
