أغاني عيد الأم القديمة | مكتوبة ومسموعة
نقدم لكم مجموعة نادرة من أغاني الأم القديمة، بالكلمات والفيديو، الأغاني لكل من فايزة أحمد، وشادية، وفيروز، ونجاة الصغيرة، ومحمد فوزي، وهدى سلطان، ووردة الجزائرية، مكتوبة ومسموعة.
ذات صلة:
أغاني عيد الأم القديمة | مكتوبة ومسموعة
أغنية ست الحبايب | فايزة أحمد
أغنية ست الحبيايب يا حبيبة من أشهر أغاني عن الأم في الإذاعة المصرية وغالباً ما يعاد بثها كل عام في مناسبة عيد الأم حتى غدت أيقونة المناسبة، من غناء فايزة أحمد وألحان محمد عبد الوهاب، وتأليف حسين السيد.
أغنية ماما يا حلوة يا أجمل غنوة | شادية
اغنية ماما يا حلوة يا اجمل غنوة مصحوبة بالكلمات، الاغنية غناء شادية، وكلمات كمال منصور، وألحان منير مراد، ومطلعها ماما ياحلوة يا أجمل غنوة عايشة في قلبي وجوه كياني غالية عليه وضي عنيه يا أول كلمة نطقها لساني ماما يا ماما.
أغنية أمي يا ملاكي | فيروز
أُصدرت أغنية “أمي يا ملاكي” لفيروز لأول مرة في عام 1960، الأغنية تأليف وألحان الأخوين رحبانى، وفي مطلعها:
أمّيَ يا ملاكي يا حبّيَ الباقي إلى الأبدْ
ولا تزل يداكِ أُرجوحتي ولا أزل ولدْ
يا أمي يا غالية | شادية
كلمات الشاعر عبد الرحيم منصور، وألحان الموسيقار د. جمال سلامة،
كلمات الأغنية
أمي حبيبتي يا أمي
ضميني دوبيني غرقيني في الحنان
خديني طهريني و اغسليني من الأحزان
يا أصل الكون يا طاهرة يا جنة الإنسان
الدنيا ما تسوى حضنك و لا يسواش الزمان
أنا في حضنك يا أمي بأحس بالأمان
أيوه بأحس بالأمان
قولي لي وطمنيني عن رحلة الطريق
دفيني ونوريني بكلامك البريء
يا بحر الحلم الواسع يا سفينة النجاة
لولاك ما يبقاش معنى ولا نبض للحياة
مشواري بدايته أنتي وأنتي منتهاه
نادي لي شاوري لي اهمسي لي بالعيون
تلاقيني بين إيديك نغمة في الحنون
يا نغم في القلب طالع مع طلعة النهار
ادعي لنا بالسلامة ويهون المشوار
مهما بنكبر يا أمي لسه في عنيكي صغار
بحبك صباح الخير يا مولاتي | غناء سعاد حسني
أغنية “صباح الخير يا مولاتي” كلمات الشاعر صلاح جاهين وألحان كمال الطويل، وغناء سعاد حسني.
كلمات الأغنية:
يا ماما يا أما يا أماتي
سلاماتي احتراماتي قبلاتي
صباح الخير يا مولاتي
يا ماما يا أما يا أماتي
أبوس الإيد وقلبي سعيد
يا أول حب في حياتي يا أمي
علشانك النهارده الدنيا كارت معايدة
ملا الربيع أركانها بمليون ألف وردة
والكون بقى جوه بيتك وأنا قبل الكل جيتك
يا اللي انتبهت لقيتك أنا وانتي حاجة واحدة
تحبيني وأنا أحبك وأعيش قرب قلبك
عيوني معجبة بيكي وروحي كلها تجاوبك
وأغمض وأفتح أقولك
صباح الخير يا مولاتي
بغني للأمومة ولليد الخدومة
وأقول الله يا أمي ع الدفا والنعومة
يا ست يا فدائية ياللي قضيتها هنية
تجعل حياتي هنية ولو تبات مهمومة
تعبتي كتير عشان خاطري
عشان أمشي عشان أجري
ومهما جريت بعيد خالص
اديني جيت قوام بدري
يا ماما يا أما يا أماتي
صباح الخير يا مولاتي
يا ماما يا أما يا أماتي
سلاماتي احتراماتي قبلاتي
أغنية أحن قلب في الدنيا | محمد فوزي ونازك
كلمات الأغنية
أحن قلب في الدنيا قلبك
أنتي يا امي
وأغلى حب في الدنيا حبك
أنتي يا امي
ربيتي أختي كبرتي اخويا
تعيشي ليا أنتي وأبويا
أنتي يا أمي أنتي يا أمي
حبك يا أمي يجري في دمي
وكل غالي يرخص عشانك
سهرتي جنبي وشلتي همي
وكل ما أكبر يكبر حنانك
وبتسعديني دايماً في قربك
أنتي يا أمي
أنا اسمي غنوة على شفايفك
وأنت اسمك في قلبي غنوة
وكل لحظة بيبان لي عطفك
وكلمة حلوة ودعوة حلوة
والدعوة منك يسمعها ربك
أنتي يا أمي
أحن قلب في الدنيا قلبك
أغنية ياأمي | نجاة الصغيرة
الأغنية كلمات فتحى قورة، وألحان كمال الطويل.
كلمات الأغنية
يا أمى ياأمى ياأمى
مين غيرك ليا يا أمى
يرعانى ويحمل همى
حبك مخلوق ويايا
وبيجرى فى روحى ودمى
مين غيرك ياأمى
فتحت عنيا عليكى
أول ماشالتنى إيديكى
وكبرت على ابتساماتك
ومليت الدنيا عليكى
لما أفرح يوم تفرحى أيام
وبحبك أقوم وبعطفك أنام
مين غيرك ياأمى
من صغرى وأنا فى أحضانك
وفى عينى وقلبى مكانك
والدنيا وكل مافيها
تتعوض إﻻ حنانك
إن قلت اﻵه تقوليها آهين
والمولى رضاه فى رضى الوالدين
مين غيرك ياأمى
بعد الأم ما فيش حنيّة | هدى سلطان
الأغنية كلمات محمد علي أحمد، وألحان محمد فوزي.
كلمات الأغنية
كل ماشوف النور بعيني
كل ماتغلي الدنيا عليَّ
وادعي لأمي وأقول لأخواتي
بعد الأم ما فيش حنية
حب الأم في قلبي عبادة
يسوى نعيم الكون وزيادة
طاعة أمي من رضا ربي
كلمة أمي أمل وسعادة
مهما يحنوا عليك في الدنيا
عطف الأم يساوي الدنيا
مهما ح أقول لك خليك فاكر
بعد الأم ما فيش حنية
قلب الأم مايتقدرشي
م الحنية اللي ماتوصفشي
ادعي يطول عمرك ياما
عمر الأم ماتتعوضشي
آه لو يوم تشكي وتتألم
تسمعها وهي بتتألم
طول الليل بسهرها علشانك
ودموعها تحن وتتكلم
مهما يحنوا عليك في الدنيا
عطف الأم يساوي الدنيا
مهما ح أقول لك خليك فاكر
بعد الأم ما فيش حنية
أغنية ست الكل (عيد الأم) وردة الجزائرية
أغنية عيد الأم كلمات عبد الوهاب محمد وألحان بليغ حمدي من مسلسل أوراق الورد إنتاج 1979.
كلمات الأغنية
(غناء الأطفـال)
كل سنة وأنتي طيبة يا مامتي
و بعودة الأيام تفرحـي و تتهنـي
و فـي عيـدك نغنـي و نضرب لك سلام
(غناء وردة)
يـا حبايبي يا حلوين
يا حبايبي يـا طعمين
كـل سنة و أنتم دايما طيبين
وفي صحـة وسعـادة ويـخـليلكـوا … بابا
علـى طـول السنين
بادعي لكم السنين
تسعدكوا يا طعمين
وأشـــوفكم عرايس وأشوفكم ناجحين
ميت سنة لقدام
و تدعوا لبابـــا يخليلكو بــابـــا علـــى طـــول السنيـــــن
سيد الحبايب | غناء شادية
أغنية تُعبر عن حب الأم وحنانها، كتبها الشاعر فتحي قورة ولحنها منير مراد غناء شادية عام 1959.
كلمات الأغنية:
سيد الحبايب يا ضانايا انت
وكل املي ومنايا انت
يا احلى غنوة في دنيا حلوة
غنت وقالت معايا انت
سيد الحبايب يا ضناي انت
من ابتسامك ومن كلامك فرحة عنيا
قلبي بياخدني وانت في حضني ويلف بيا
تقول يا ماما يا قلب ماما
ما اشبعش عمري من الكلمه ديا
سيد الحبايب يا ضانايا انت
وبنسى همي ساعة ما اسمي عليك واشيلك
لو يحرموني من نور عيوني
مطرح ما تبقى اشوف وجيلك
سيد الحبايب يا ضانايا انت
