قصيدة فارس قطرية نص حزين | مكتوبة

نقدم لكم قصيدة فارس قطرية نص حزين مكتوبة، مع تحميل القصيدة Mp3 Mp4.

وهي من قصائد فارس قطرية عن الحب.

قد يهمك:

قصيدة فارس قطرية نص حزين

مكتوبة

كلمات قصيدة نص حزين فارس قطرية:

بأكتب لك نص لطيف تذكار من وجع الفكة المتساب لي

وأنك هتعيشي وهتقابلي رجالة كتير أحسن مني

أشيك مني ومعها فلوس تشتري عمارات

وإن أنا والحب بتاعي يادوب فترة في فترات

وإن إنت عينيكي أجمل بكتير من كونها في يوم يسكنها عياط

إن الإفراط في الشئ لعنة

بأكتب لك نص لطيف تذكار بأحكيلك فيه عن أوجاعنا

عن سهري في بعدك وعنيا اللي حاوطها سواد ما أعرفش من إين

عن جرح غويط سبناه يعلم ويجرح فينا إحنا الاتنين

عن ذكرى لأيامك في ولا راضية تروح ولا تيجي انتي

يا ما استنيت على باب شارعك وماتمريش

طب أشوفك فين

وأنا ضد إن الراجل يزعل على واحدة تروح من غير أسباب

أنا ياما كتير قبلك غابوا والله ولا اتهزيت بغيابه

مش عارف ليه بعدك بايخ ومكركب في ومالي براح

وإزاي بتسيبي في كل مكان شئ منك يفتح في جراح

ليه شكلك هادد ع الباقيين وبشوفك من غير ما بشوفك

ليه بأنسى إللي عملتيه في وما نساش تفصيلك وكسوفك

إزاي إنسان بيسيب إنسان ويعيش ونسان والتاني حزين

والله العشاق دول مجانيين أما العقلين نفس ظروفك

بيحبوا بعقل ويدوا حاجات ماتخسرهمش لو اتسابوا

أما احنا الحب كسرنا بجد وسيب على العمر كلابه

أكدب لو قولت إني كرهتك أنا كاره ضعفي قصاد منك

وإنك موجودة برغم إنك لخصتي البعد وأسبابه

أنا نص حزين تايه في كتاب

شماعة بيتعلق فيها وجع المساكين من ناس أحباب

كرسي في شارع فاضي وساقع مستني غريب طول في غياب

أو نص جنيه مالهوش قيمة جاي يكمل أجرة ركاب

وإنت جميلة وحرام جداً واحد في كأبتي يكون ضلك

مش عاوز حزني وكركبتي تنشأ على الفرح إللي فاضلك

هتقبلي أكيد ناس تستهلك

وهتفتكريني وتبتسمي هيعدي على ودانك اسمي وهيطلع زي ما يدخلك

بأكتب لك نص لطيف تذكار وبقول لك فيه إني أناني

صندوق أسود خزان أحزان عيل باهت بضمير تلفان

يضحك ع الناس لما تعيط ويعيط لما الناس تضحك

مربوط بالوزن ومتشعلق بينقط عتمة في كل مكان

رغم إن الضمة كانت كسرة وإن الأفراح مش للأسرى

بأكتب لك بهدوء الأموات سبتيني فسبتك كدة بسرة

يا كمانجا في ايد موسيقار محتار يعزف لك ولا يموت حسرة

فيقرر إنه يموت حسرة روحه ما تهداش

وطني المحتل اللي في قلبك بعساكر وجنود واشتباكات

لسه ماجلناش واقف لسه

وعجبي

تحميل الشاعر فارس قطرية قصيدة نص حزين Mp3 Mp4 سمعها