موقع اسكتشات فنون سمعية وبصرية
نقدم لكم كلمات يابختك لو لقيت بختك، فارس قطرية، مع تحميل Mp3 Mp4
القصيدة من قصائد فارس قطرية عن الحب.
قد يهمك:
كلمات يابختك لو لقيت بختك
فارس قطرية
تحميل Mp3 Mp4
كلمات يابختك لو لقيت بختك:
تخيل وأنت بتدور ما بين الناس على الراحة
تلاقي حد يشبهلك ويبقى شاريك
يحبك زي ما انت تكون وبطباعك كدة وبلاويك
يشيل وقت ما تميل ويشبط فيك كما العيل
وتسرح فيه وتتخيل حياتك جنبه عاملة إزاي
يكرمش عوده مع عودك ويعملك بايده الشاي
يقول لك إنت أحلى الناس ويمدح فيك ويتغزل
ويفتكرك في كل مكان ويبقى معاك في كل الجاي ويدعيلك
تخيل وانت بتدور مابين الناس على الراحة
تلاقي أيادي بتشيلك
ومهما نبان جبال ناشفين بنحتاج برده حنية
بنحتاج حد يرضينا ويظبط مود ونفسية
بنضعف برده أحياناً وبندور على أحضان
نعيط فيها من الدنيا ونشحن 10 في المية
مافيش إنسان ما بتعديش عليه أوقات يعوز يبكي
ويجري على اللي بيحبه يقول له بص إي في
يا بختك لو لقيت في الناس رفيق صالح ويبقى لك
يهمه تكون بخير وتمام ويسأل فيك وعن حالك
دموعك تجري قدامه بدون ما تخاف ولا تفكر
يا دوب تحتاجه يبقى معاك يسيب نفسه ويخلالك
ما يترددش لو لحظة ما بينك انت والتانيين
يكون وياك في عز الفرح وبرده يشيل معاك الطين
مالوش غير وش بيحبك وباقي عليك وع العشرة
تسيبك كل خلق الله وتفضل إيده مش بتلين
بتختلفوا وتتخانقوا لكن حتى في خلافه جميل
لايجي عليك ولا يعيبك ولا يزعل في قلبه يشيل
بيترضى بورداية ويرجع زي ما بيبعد
عشان بيحب من قلبه وملوش في اللف والتمثيل
ويعرف برده يتأسف ويجبر كسرة الخاطر
ما يغلطش الغلط ويزيد وتزعل منه يتمادى
أجمل حاجة في الدنيا تقابل حد من لونك
وبيحبك وبتحبه ويفضل حبكم عادة
ما يتأثرش بالأيام
تسيبوا الدنيا للدنيا ما دام الدنيا بينكو تمام
الله لقيت إنسان يكون صاحب لمشوارك
يهون قسوة المشوار معاه تصحى وجنبه تنام
صديق أو أخ ولا حبيب وطبعه الأصل والمعروف
وتتهد الحياة يفضل وما بيمشيش لأي ظروف
تصدق إنه لا يمكن يسيبك مهما إيه يحصل
وهتقابل كتير غيره ولكن زيه مش هتشوف
يا بختك لو لقيت إنسان في وقت الخوف بيبقى أمان
ووقت القسوة يبقى حنان ويبقى ويبقى ويكمل
تقول له الحمل زاد يا صديق يشمر إيده ويحمل
ساعات الوقت بيوديك على اللي يبكي ويعور
وبرده ساعات كدة يوديك على اللي يداوي وينور
ورزقك لو في شخص جميل ده أجمل رزق في الدنيا
ودي أرزاق ومش بالايد بتيجي بدون ما بندور
طباع الناس بتتغير معدش أمان ولا عشرة
وصعب تلاقي قلب دهب في وسط قلوب كتير قشرة
فلما تلاقي ابن أصول ما تستخسرش فيه روحك
عشان ممكن تلاقي وشوش بتضحك والقلوب كشرة
وعجبي
تحميل ي بختك لو لقيت بختك فارس قطري Mp3 Mp4
يكرمش عوده مع عودك ويعملك بايده الشاي