السبت , فبراير 4 2023

قصيدة أنا ابن أمي مكتوبة | فارس قطرية | تحميل Mp3 Mp4

نقدم لكم قصيدة أنا ابن أمي مكتوبة فارس قطرية، مع تحميل القصيدة Mp3 Mp4

قد يهمك:

أغاني وأناشيد عيد الأم mother_day
قصائد وأشعار في عيد الأم

قصيدة أنا ابن أمي مكتوبة

فارس قطرية

تحميل Mp3 Mp4

كلمات قصيدة انا ابن امي فارس قطرية:

أنا جاي أقول لأمي

لو شفت حلو في دنيتي فالحلو كله بدعوتك

لو لي طولة بال أعيش فعشان أنور ضحكتك

والله ولا تسوى الحياة لو هأصحى يوم ما انتيش هنا

وتعيشي يا أمه وأعيش أنول شرف إني أخدم جزمتك

أنا ياما ناس فارقوني يا أمه وكنتي واحدك عزوتي

وما كنش حد يشيل همومي ويجري يمسح دمعتي

ما لقتش غيرك في الحياة بيديني حنية وأمان

أنا أمي مجموعة بشر سندي وحبيبتي وصاحبتي

لو أحكي عنك أقول بفخر أنا ابن أمي ومنها

ما أكبرش أبداً على القمر وأكبر على الناس كلها

أنا أوطي على ايدك وأبوسها أعلى وأزيد قيمة ومقام

وتشوفني كل الناس كبير وأفضل صغير عندها

تطبخ لي أكلة ما حبهاش وفي كل مرة بتتصدم

ازاي يا واد متحبهاش طب دوق أكيد هتحبها

عن كل مرة أسهر وأغيب ما تنامش غير وأنا في المكان

عن أحلى واحدة في كل شئ والبركة في البيت والزمان

ما أحكيش لحد ولا أتكشف ولا سري يطلع غير لها

وبحبها وبقول لها إن انت وسط الخوف أمان

أول خطاوي خدتها وأنا جنبها

أول كلامي من الحياة كان اسمها

أول بداية في كل شئ كان عندها

وان قولت أه وأنا بأتوجع قبل لما أقول لها تحسها

فازاي ما حبش قلبها ولا حتة منه ومنها وحاجات ما يوصفهاش كلام

إن كان في طبعي شئ جميل فأمي اللي ربتني بأدب

وإن كان في طبعي شئ وحش فالدنيا وصحابي السبب

أشهد لها ولا قصرت ولا خدت منها إلا الأصول

ويدوم وجودها في الحياة وخطوت رجولها على العتب

سألوني عن مين أدبك

قولت لهم أمي وصبرها

طب مين سبب انك تمام

قولت لهم أمي وقربها

طب مين معاك وقت المحن ولا يوم يسيبك مهما صار

قولت لهم أمي في وسط ليلي كانت بتخلق لي النهار

يا لهوي يا أمه على الزمن لو كنت مش موجودة فيه

ويدوم عليكي صحتك وحنانك اللي أنا بأقوى بيه

تضيقي من سهري وحياتي وتروحي تشكيني لخلاتي

وتكلميهم بالساعات عن وصفة البيض والبانية

وتعيشي حلوة وتفرحي

يا قلب كل ما أشيل هموم كان يجي ويشيل مطرحي

مين اللي علمني أبقى طيب ولا أسامح في الأذى

من كان يقول لي اعقل يا واد وبلاش معاندة ونرفزة

مين كان بيفرح لي أما أحقق أي انجاز لو بسيط

ويداري عني أكوام مصايب والخناق في المدرسة

وكبرت يا أمه وزي ما انت ما بتناميش غير لما أنام

وبتاخدي بالك من هدومي ومن طريقتي في الكلام

بتكبريني قصاد صحابك وانت عارفة ابنك عبيط

والكل يبقى علي نار أما انت بس برد وسلام

فتحت عيني يا نن عيني وانت أحن الناس علي

أنا أمي كانت بتغيب تغيب وتجيب سعادة وهي جاية

لو أوصف أمي في كلمتين وأنا عارف إن ده مش كفاية

فأقول لكم الست دي عمرها ما سابت ايديا

وعجبي

تحميل فارس قطرية بقول بفخر انا ابن امي Mp3 Mp4

اترك تعليقاً

لن يتم نشر عنوان بريدك الإلكتروني.