الثلاثاء , مايو 21 2024

تحميل قصيدة عظمة امي مكتوبة | فارس قطرية

نقدم لكم قصيدة عظمة امي مكتوبة | فارس قطرية، تحميل قصبدة امي فارس قطرية Mp3 Mp4.

قد يهمك:

أغاني وأناشيد عيد الأم mother_day
قصائد وأشعار في عيد الأم

تحميل قصيدة عظمة امي مكتوبة

فارس قطرية

كلمات قصيدة عظمة امي:

لو غربلوا الدنيا ونقوا أحلاها

هيلاقوا في إيديهم أمي ورؤياها

لو بصوا على شكلي هيشوفوا ملامحها

لو بصوا على طبعي هيلاقوا تقواها

هي إللي بتهون تعبي من الدنيا

وان ضاعت الفرحة هي إللي تلقاها

إنسانة زي أمي ونفس الهدوء والشكل

نفس الدفا والوفا والروح ونفس الأكل

الشاي بتاع بالليل والقعدة والحواديت

والضحكة والدمعة والمدح والتبكيت

بأعمل عليها كبير وتقول لي روح ياعبيط

مهما تشيب ابني

أنا بأغلب الدنيا بس أمي بتغلبني

إنسانة زي أمي ملهاش شبه تاني

وقت أما أعوذ أكدب ألقيها قفشاني

بتقول لى ياد يا أهبل أنا حافظة دخلاتك

لو عوزت يوم تكدب ما تجيش عى وداني

من وقت ما كبرنا وأنا بانسى أبوس إيديك

بانسى أشكرك دايماً على فرحتي في عيدك

ببعد ساعات عندك علشان أروح للناس

وأرجع وأنا مشتاق ملهوف لمواعيدك

شوفي كام سنة في عمري ولا زلت باحتاجك

لو ترضي أشيل عيني تزين دهب تاجك

يا مكة بكرة أمي هتروح لحجاجك

تدعي لي كام دعوة وتفرح وتنسى الأه

أنا أمي نور عيني وحياة كتاب الله

أديكي من عمري الحلو والمظبوط

أديكي قلب وروح لو تطلبيها وأموت

أنا عايش أرضيكي وأعيش كمان وكمان

وأفضل أشوف قلبك فرحان كدة ومبسوط

عندك كلام محفوظ من صغري حبيته

الشخص مهما يشوف يشتاق كلام بيته

بسأل على لبسي تقول لي في الأوضة

مالقتش حاجة هناك لو جيت أنا لقيته

خد وانت نازل بس الكيسة دي في إيديك

سيب يا بني تليفونك كتره هيأذي عينيك

صلي العشا وإنزل الدنيا مش هتطير

لو سبتها ومشيت هتجيني وهاربيك

يا أمي يا صابرة يا شيالة الأحمال

مايلقش بجمالك ولا صورة ولا تمثال

ما يلقش بيكي الشعر

الشعر مش توبك

الشعر فيه أحزان إنتي فرح وجمال

الله يخليكي وما يوريكيش الهم

أنا شكلي من شكلك والدم نفس الدم

إنتي إللي ربيتي

وإنت اللي عليتي

وإنتي إللي خليتي رضا ربي عندي أهم

لو غربلوا الدنيا ونقوا أحلاها

هيلاقوا في إيديهم أمي ورؤياها

لو بصوا على شكلي هيشوفوا ملامحها

لو بصوا على طبعي هيلاقوا تقواها

هي إللي بتهون تعبي من الأيام

تحميل قصيدة امي فارس قطرية Mp3 Mp4

تعليق واحد

  1. ربنا يبارك في عمر امي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *