موقع اسكتشات فنون سمعية وبصرية
نقدم لكم قصيدة أهلاً رمضان 2024 ، كلمات فارس قطرية.
قصيدة بمناسبة استقبال رمضان.
قد يهمك:
قصيدة أهلاً رمضان 2024 | كلمات فارس قطرية
كلمات قصيدة أهلاً رمضان:
وجه رمضان على الواحد
وصحى فيه حاجات ماتت
رجع ذكريات حلوة
ولحظات من زمان فاتت
لمة سفرة عل المغرب
وشاي نعناع مع الأحباب
وريحة جميلة في الشارع
وزينة وكام فانوس قايد
وحشنا ناس كانوا في رمضان يجوا لنا كتير يزورونا
وحشنا اللعب في الشارع لحد الفجر وإحنا عيال
وحشنا زيارة العيلة لبيت الجد والأخوال
كبرنا وكل واحد راح في سكة واتلهى فيها
لكن بنحن للأيام ولللمة وراحة البال
وجه رمضان وأكل أمي وخناقات ساعة الإفطار
وجري البيت ورا بعضه وشيلوا الحلة من ع النار
وتمر وعرق سوس وعصير
وطعمية وعودين جرجير
وفطوطة وعالم سمسم ورامز أبصر إيه وبكار
بيوحشنا بشر غاليين كانت بتصلي ويانا
وراحت عند خالقها ولكن لسه وحشانا
بندعي لهم ونذكرهم بكل الخير في شهر الخير
ونحمد ربنا ع الستر وايديه اللي ساندانا
يارب يعود عليكوا بخير يا أهلي وكل أحبابي
ولا أحزن على غيابكم ولا تنعوني في غيابي
مسامح كل خلق الله لوجه الله ومش زعلان
فسامحوني بقى أنتوا كمان وابقوا دقوا على بابي
