قصيدة رمضان زمان كان مختلف مكتوبة ومسموعة | فارس قطرية
نقدم لكم قصيدة رمضان زمان كان مختلف، للشاعر المصري فارس قطرية، القصيدة مكتوبة ومسموعة ومرئية، كما يمكنكم تحميلها mp3.
قد يهمك:
كلمات قصيدة رمضان زمان كان مختلف
في الوقت دا من السنه من كام سنه وزمان
كان كل شئ مختلف في الدنيا والإنسان
كان بيتنا يفتح بيبانه لحد لنور الفجر
والكل كان بينام في سلام وداره امان
كان فيه طبق دوار علي كل بيت في الحي
كانت أمي بتعبيه روح ودي دا لـ فلان
وفي يوم سألت أمي ما الكل عامل أكل
نوفر المشوار
فقالت لي سيدنا النبي أوصانا خير بالجار
يحرم عليك الشبع لو أخوك جعان ياابني
والمسلمين أخوات عاوز تخش النار
كان كل يوم نفطر في مكان غير التاني
ولا خالي ولا عمي ولا أهلي وحشاني
وهيوحشوني إزاي والبيت قصاد البيت
لا خادتهم الدنيا ولا بردو وخداني
الوقتي كل سنة بنقول هانجمع
وتعدي بردو السنة وأنا لسه وحداني
وما كنش فيه ترندات ومسلسلات ونجوم
كنا يا دوب نفطر وأمي تقول لك قوم
البس عشان خالك هيعدي يشرب شاي
ونروح معاه عل البيت علشان نقضي اليوم
العيلة تتجمع على أنتريه واحد
والكل يتكلم كله في صوت واحد
ويضحكوا من القلب ما أعرفش ليه وإزاي
وخالي يروح طالب 30 صينية شاي
وطول حكاوي أمي مع خالتي بالساعة
ويرن أبويا يقول إيه فينكو يا جماعة
وياخدنا ونروح نعمل سحورنا تمام
ونصلي فرض الله ونقوم نخش ننام
وكانت الحياة سهلة ولطيفة وبتمشي
رمضان اليوم
أما انهاردة يا خال رمضان بقى تفاهات
رمضان بقى ترندات ومسلسلات وحاجات
هنروح مكان غالي ونصور الريسيت
ونقول سحور رايق مع أحلى ناس وأخوات
هنصلي ونصور ونخرج ونتصور
علشان نبان للناس إن إحنا ناس خوجات
….. التيك توك خلانا ناس فاضية
عاوزين نبان حلوين بس الدماغ فاضية
رمضان عشان ترجع لله وتدعي له
وتزور قرايبك فيه ونفسك تكون راضية
مش للسباق يا عبيط يا أبو نفس أمارة
مش للظهور هو
هلا شهر الصوم والأجر العظيم
جلا فيه الصبر وانفض الشقاق
هل تريد الخير أقبل كي تنل
طهرة للقلب من شر النفاق
موسم الأعمال والشهر الكريم
يشهد الله على هذا السباق
نطلب العون من المولى الرحيم
ونجمع الزاد إلى يوم التلاق
