الجمعة , مارس 29 2024

اسكتشات ثلاثي أضواء المسرح| لو كانوا سألونا| ليبمو وشيمو

مجموعة من اسكتشات ثلاثي أضواء المسرح سمير غانم وجورج سيدهم والضيف أحمد، تتضمن اسكتش “لو كانوا سألونا” وتحكي قصة في ثوب غنائي تمثيلي ساخر لثلاثة لصوص يروون حكاياتهم وسبب دخولهم السجن.

واسكتش الكذب بعنوان ليبمو وشيمو وتدور أحداث الاسكتش الساخر في شكل تمثيلي بسيط أمام المايكروفون لشخص يروي حكايات كاذبة حتى يرتد الكذب على نفسه.

اسكتشات ثلاثي أضواء المسرح

قد يهمك أيضاً متابعة هذه الروابط:

 

قائمة أفلام عائلية نظيفة family_films

اسكتشات ثلاثي أضواء المسرح| لو كانوا سألونا

كلمات اسكتش لو كانوا سألونا قبل مايولدونا

لو كانوا سألونا قبل مايولدونا

عارفين كنا نقول إيه

كنا نقول اعتقونا

عشان يخلفونا ف العهد اللى احنا فيه

===

*سكوت كلاكيك*

من صغرى فتحت عنيا

على حاره ف حى الباطنية

مستوظف عند أم زكيه

وقالوا لي امسك نضارة

حوالين سراديب الحارة

ون حد بعت سناره

ابقى ابعت لينا إشارة

أتاريها شغلانة منحوسه وملهاش مستقبل

أولها كوبيا وأخرتها بوابة ابو زعبل

وعنها وفي ليلة اللعبة انكشفت

وف يوم وليلة الحارة اتكنست

والخالة زكيه رقبتها انكسرت

وجريت من الحارة على الشارع وإلخ إلخ

أطلع من نؤرة لدحضيرة ومن فخ لفخ

والدنيا تشيلنى وتهبدنى طخ طوخ طيخ طاخ

مبسوطة يا ماما حوا

مبسوط يا بابا آدم

===

لو كانوا سألونا قبل مايولدونا

عارفين كنا نقول إيه

كنا نقول اعتقونا

عشان يخلفونا ف العهد اللى احنا فيه

===

سكوت كلاكيك بارتىه

===

أنا بقى فتحت عنيى

مالقتش قيراط حنيه

ولقيتنى بعيط ف هدوء واخد على خطرى ومهزوم

شافنى معلم كان متألم لما لقاني بقول ياويك

قال ياحول الله ياضنايا اسكن عندى وانا اربيك

خدنى وركبنى التاكس

ووقفنا على بوابه مكتوب محمود بالعكس

ودخلت لقيتها خرابه

نده على واحد كلمه

وقاله خد ده علمه

راح مالي سلطانيه من الحنفية

وفرد لى قشر الموز على وش الميه

وقعد يخرطها قدامى ع الميه من غير ماتتهز

عشان تبقى حرامى قولتله دا مكنش ينعز

وجريت من الحارة على الشارع وإلخ إلخ

أطلع من نؤرة لدحضيرة ومن فخ لفخ

والدنيا تشيلنى وتهبدنى طخ طوخ طيخ طاخ

مبسوطة يا ماما حوا

مبسوط يا بابا آدم

===

لو كانوا سألونا قبل مايولدونا

عارفين كنا نقول إيه

كنا نقول اعتقونا

عشان يخلفونا ف العهد اللى احنا فيه

===

سكوت كلاكيك بورتيه

وانا فتحت حباب عنيا

شوفت الدنيا واسعه عليا

بابا حاله كان متيسر

بس هوائى بشكل مؤثر

كان قلبه يحب بالجملة ويتجوز بالقطاعى

ولا كنش فيه ناس عاقلة يقولوله ايه الداعى

والخلفة قالت خد عندك

وقالتله شيل على قدك

11 جوز صبيان و 9 اجواز بنات غير 7 جواز اطفال اتحذفوا من الكشوفات

والحاله ادهورت وحياتنا اتبعترت

والوالد صحته من الغلب اتأخرت

وانا توهت ف وسط الزحمة

ولقيت الدنيا ضلمة وصرخت وقولت ياما

وجريت من الحارة على الشارع وإلخ إلخ

أطلع من نؤرة لدحضيرة ومن فخ لفخ

والدنيا تشيلنى وتهبدنى طخ طوخ طيخ طاخ

مبسوطة يا ماما حوا

مبسوط يا بابا آدم

===

لو كانوا سألونا قبل مايولدونا

عارفين كنا نقول إيه

كنا نقول اعتقونا

عشان يخلفونا ف العهد اللى احنا فيه

اسكتش الكذب |  ليبمو وشيمو

اسكتش عن الكذب بعنوان ليبمو وشيمو لفرقة ثلاثي أضواء المسرح˖˖ سمير غانم وجورج سيدهم والضيف أحمد، ووتدور أحداث الاسكتش الساخر في شكل تمثيلي بسيط أمام المايكروفون لشخص يروي حكايات كاذبة حتى يرتد الكذب على نفسه.

تابع أيضاً:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *