اسكتش تداخل تصريحين| فيديو ونص

اسكتش تداخل تصريحين، هو اسكتش قصير ساخر ضمن سلسلة اسكتشات مسرحية مكتوبة، هو اسكتش كوميدي من شخصيتين ونقدم الاسكتش بالعرض التمثيلي وبالنص المكتوب، وفيه تتداخل إذاعتان الإذاعة الأولى وفيها تصريح لمسئول بوزارة التعليم والإذاعة الثانية تصريح لمسئول في مصلحة الصرف الصحي، وتتداخل بينهما الحوارات بشكل كوميدي ساخر.

اسكتش تداخل تصريحين

أولاً: نص الاسكتش المسرحي “تداخل تصريحين”

تداخلت موجة إذاعية تذيع تصريح من وزارة التعليم مع موجة تذيع تصريح من وزارة الصرف الصحى فكانت النتيجة كالآتى : مسئول التعليم    (صوت هادئ) أعزائى طلبة وطالبات الثانوية العامة إليكم هذا التصريح من .. مسئول الصرف    (صوت عمالى شديد) هيئة المجارى بوزارة الصرف الصحى .. وذلك بخصوص .. مسئول التعليم     النظام الجديد للثانوية العامة .. لإن زى ما انتوا عارفين إن النظام القديم .. مسئول الصرف    عاوز ماسورة عمومية تمشى فيه .. فاحنا بنقول .. مسئول التعليم    يا أبناءنا الطلاب .. إن شاء الله .. بإذن الله .. المستقبل قدامكم .. مسئول الصرف    مسدوووود .. وعاوز صرف .. فاحنا لازم نصرف .. مسئول التعليم    الكتب الدراسية فى ميعادها .. وبعد ما تصرفوا الكتب .. مسئول الصرف    ترموها فى بحر البقر .. لإن هو دا المكان الطبيعى لعملية الصرف .. حتى لا يحدث تلوث .. مسئول التعليم    فى عقول أبناءنا الطلاب .. وبرضه نحب نطمن الأهالى .. لإننا عارفين إن الأهالى .. مسئول الصرف    طفحت ع الآخر .. عشان كده لازم نجيب الكساحات ونقوم بعملية كسح .. مسئول التعليم    للثانوية العامة .. وأنا بأكد إن المسئولين عن تطوير التعليم مهتمين جدا بالعملية التعليمية .. وحاطين دماغهم .. مسئول الصرف    جوه البلاعات .. عشان المجارى تسلك .. عشان كده بنقول .. العملية دى حاتحتاج مننا 3 سنوات .. مسئول التعليم    بدل نظام السنتين .. وتم إعداد المناهج الجديدة لإن المناهج القديمة .. مسئول الصرف    باشت ومعادتش نافعة .. ومحتاجة سكس بلف .. مسئول التعليم    وقد قام لفيف من الوكلاء ومديروا الإدارات بافتتاح .. مسئول الصرف    15 بكابورت .. و إن شاء الله حانقفلهم يعني حانقفلهم.. مسئول التعليم    واحنا حريصين إن المناهج الجديدة تكون خالية من الحشو .. فاحنا بننصح أبناءنا الطلاب .. مسئول الصرف    يشدوا السيفون ضرورى .. وذلك لإزالة .. مسئول التعليم    الحشو اللى موجود فى المناهج .. أما بخصوص الامتحانات فانتوا شايفين  بنفسكوا إن وزارة التربية والتعليم .. مسئول الصرف    ريحتها طلعت .. ولازم يتشافلها حل .. مسئول التعليم    وبكده يا أبناءنا الطلاب .. يتضح لنا فى النهاية إن الثانوية العامة .. مسئول الصرف    غرقانة فى شبر ماية .. مسئول التعليم    شكرا .. مسئول الصرف    العفو !!!

فيديو اسكتش “تداخل تصريحين”

تابع أيضاً: اسكتش هاها | اسكتشات مسرحية مكتوبة اسكتش تداخل تصريحين| فيديو ونص اسكتش ميمي في الثانوية | اسكتشات مسرحية مكتوبة اسكتش ميمي والتنسيق | اسكتشات مسرحية مكتوبة اسكتشات ثلاثي أضواء المسرح| لو كانوا سألونا| ليبمو وشيمو