اسكتش حوار الطرشان | اسكتشات مسرحية مكتوبة

نواصل سلسلة اسكتشات مسرحية مكتوبة، ونعرض نص اسكتش مسرحي بعنوان “حوار الطرشان” وهو اسكتش كوميدي من 3 شخصيات حيث يدور فيها حوار بين شخصين ضعيفي السماع.

اسكتش حوار الطرشان

تدور أحداث الاسكتش حول حوار بين شخصين أطرشين لا يسمعان جيداً، ويجري بينهما حواراً ساخراً بحسب ما يسمع كل منهما للآخر.

الأول    إزيك يا حسين
الثانى    رايح فين؟ .. وانت مالك يا حشرى
الأول    تاكل كشرى ؟ .. بس دا سعره غالى ..
الثانى    حارشح خالى ؟ … لأ  … مش نازل الانتخاب
الأول    ذمتك هباب؟ .. بقه دا كلام؟
الثانى    قابض كام؟ .. لأ لأ لأ .. أنا ما أبعش صوتى ولا بمال قارون
الأول    جالك جنون؟ .. أكيد حد عاملك عمل
الثانى    أدى صوتى للجمل؟ .. أهم حاجة عندى اختار واحد يحس إنه مسئول
الأول    وبقيت مسطول؟ … لا إله إلا الله … أكيد بسبب العيال..
الثانى    أدى للهلال؟ .. يا عم أنا راجل عندى ضمير

الأول    آكل فطير .. ماشى يا عم .. فكرة جميلة

الثانى    انت اللى منيل بستين نيله.. وسلبى وماشى بالشقلوب..
الأول    آكل كنتلوب .. مافيش مانع ..  بس بعد الفطير
الثانى    حايحصل تزوير؟ .. مش ممكن لو الناس بقت ايجابية..
الأول    الناس بقت حراميه ؟ .. انت يا بنى طالع عليك عفريت؟
الثانى    لأ .. ما معييش كبريت .. بطلت سجاير من زمان..
الأول     إيه؟ .. أنا ما عنديش احترام؟ دى قلة أدب ..
***    يدخل شرطى ويقف بينهما..
الشرطى    انت بتعمل ايه هنا يا مواطن انت وهو ..
الاثنان    واقفين فى المحطة
الشرطى    تبع المعارضة؟ .. (ويمسكهما من قفاهما) قدامى على أمن الدولة‍‍‍‍‍! ‍‍‍‍‌..

 

تابع أيضاً:

اسكتش هاها | اسكتشات مسرحية مكتوبة

اسكتش تداخل تصريحين| فيديو ونص

اسكتش ميمي في الثانوية | اسكتشات مسرحية مكتوبة

اسكتش ميمي والتنسيق | اسكتشات مسرحية مكتوبة

اسكتشات ثلاثي أضواء المسرح| لو كانوا سألونا| ليبمو وشيمو

 

اترك تعليقاً

لن يتم نشر عنوان بريدك الإلكتروني.