أغاني رمضان القديمة | مكتوبة ومسموعة
تمثل أغاني رمضان القديمة جزءًا من التراث الغنائي العربي المرتبط بالشهر الكريم، حيث ظهرت في فترات مختلفة لتعكس أجواء الاستقبال والوداع والعادات الاجتماعية المصاحبة لرمضان.
وقد تميّزت هذه الأغاني بكلمات بسيطة وكانت تذاع عبر الإذاعة والتلفزيون ولا تزال تحظى بالاهتمام بوصفها جزءًا من الذاكرة الموسيقية المرتبطة بشهر رمضان.
وتمتلك الذاكرة العربية، والمصرية بشكل خاص، مجموعة من الأغاني التراثية الخالدة التي ارتبطت بوجدان الأجيال لاستقبال شهر رمضان، نقدم لكم أبرزها.
قد يهمك:
أغاني رمضان القديمة | مكتوبة ومسموعة
أغنية مرحب شهر الصوم | عبد العزيز محمود
أغنية مرحب شهر الصوم من الأغانى الرمضانية الشهيرة للمطرب عبد العزيز محمود، غناها عام 1966م، وكلماتها تعبر عن فرحة قدوم شهر رمضان المبارك، وتميزه بين شهور العام.
وتشير كلمات الأغنية لفضل وبركات الشهر الكريم وإلى انتشار نور الإسلام، كما تشير إلى فرحة العباد بالصلاة والصيام.
كما تتناول الأغنية الإشارة لمظهر خروج الأطفال عقب الإفطار بالفوانيس المضاءة بالشموع والرقص واللعب في الشوارع ابتهاجاً بهذا الشهر.
وننشر عبر هذا الرابط فيديو للأغنية مع الكلمات.
أغنية وحوي يا وحوي
عبارة “وحوي إيوحا” أصلها فرعوني أو قبطي، وأغنية وحوي يا وحوي، من أشهر أغاني رمضان القديمة المستوحاة من الفلكلور الشعبي.
الأغنية غناها المطرب أحمد عبد القادر في الثلاثينيات. كلمات الأغنية للشاعر حسين حلمي المانسترلي وألحان أحمد الشريف، كما غنتها بشكل كوميدي فرقة الثلاثي المرح، كما غناها بشكل آخر الفنان محمد منير.
وننشر عبر هذا الرابط الأغاني الثلاثة وكلمات الأغاني مكتوبة.
أغنية والله بعودة يا رمضان
واحدة من أشهر الأغاني التراثية المصرية التي تذاع في وداع شهر رمضان المبارك.
غناء الفنان محمد قنديل، وكلمات الشاعر عبد الوهاب محمد، وألحان الموسيقار جمال سلامة.
وفي مطلعها:
رمضان رمضان
والله بعودة يا رمضان
ياشهر العبادة
والخير والسعادة والرضا والغفران
يامجمع قلوبنا
على سنة حبيبنا وبهدي القران
أغنية رمضان جانا | محمد عبد اللطيف
من الأغاني القديمة والشهيرة المرتبطة برمضان، من غناء محمد عبد المطلب، وكلمات حسين طنطاوى، وألحان محمود الشريف، غناها محمد عبد المطلب لأول مرة في الإذاعة عام 1943.
والأغنية تتناول الاحتفاء بقدوم رمضان وفرحة استقباله، لكنها لم تتناول من مظاهر شهر رمضان سوى المسحراتي فقط، وهو قصور في معاني الاحتفال بقدوم شهر رمضان.
كلمات الأغنية:
رمضان جانا وفرحنا به
بعد غيابه وبقاله زمان
غنوا وقولوا شهر بطوله
غنوا وقولوا أهلا رمضان
رمضان جانا أهلا رمضان
قولوا معانا أهلا رمضان
بتغيب علينا وتهجرنا وقلوبنا معاك
وفى السنة مرة تزورنا وبنستناك
من امتى واحنا بنحسبلك ونوضبلك ونرتبلك
أهلا رمضان جانا قولوا معانا
رمضان جانا أهلا رمضان
قولوا معانا اهلا رمضان
يوم رؤيتك لما تجينا زى العرسان
نفرح وننصب لك زينة أشكال والوان
فى الدخلة نبقى نطبلك ونهللك اه ونقولك
اهلا رمضان جانا قولوا معانا
رمضان جانا اهلا رمضان
قولوا معانا اهلا رمضان
يا مسحراتي دوقلنا تحت الشباك
سمعنا وافضل غنيلنا للفجر معاك
واعملنا هوليلة تلاتين ليلة حلوة جميلة
اهلا رمضان جانا قولوا معانا
رمضان جانا اهلا رمضان
قولوا معانا اهلا رمضان
أغنية تم البدر بدري | شريفة فاضل
من أشهر أغاني وداع رمضان.
كلمات الأغنية:
تم البدر بدري والأيام بتجري
والله لسه بدري والله يا شهر الصيام
حيانا هلالك ردينا التحية
زهانا جمالك بالطلعة البهية
دي فرحة سلامك ولا وداع صيامك
والله لسه بدري و الله يا شهر الصيام
يا ضيف و قته غالي وخطوة عزيزة
حبك حب عالي في الروح و الغريزة
أيامك قليلة و الشوق مش قليل
و الغيبة طويلة ع الصبر الجميل
لسه بدري حبة يتمللا الأحبة
والله لسه بدري والله يا شهر الصيام
بتحلف يتيمك ما تلمح دموعه
و تسره بقدومك و تنور شموعه
و تسيب يوم وداعك فوق الأرض عيد
يا هالل بفرحة و مفارق بفرحة
والله لسه بدري والله يا شهر الصيام
للاستماع ومشاهدة الأغنية انقر هنا
أغنية أهو جه يا ولاد
واحدة من أشهر أغاني استقبال والترحيب بشهر رمضان المبارك في التراث المصري والعربي، تم تقديمها في مطلع الستينات من القرن الماضي، غناء الثلاثي المرح (وفاء محمد مصطفى، صفاء يوسف لطفي، سناء الباروني).
كلمات نبيل الفولي، وألحان علي إسماعيل.
الكلمات:
أهوه جه يا ولاد.. هيصوا يا ولاد
أهوه جيه يا ولاد.. زقططوا يا ولاد
في كل عام و يانا معاد
و عمره مابيخلفش معاد
أهو جيه يا ولاد.. أهوه جيه يا ولاد
جبتلنا معاك الخير كله
م الصبح نقوم و نحضرله
من قمر الدين و بلح على تين
و المغرب للمدفع واقفين
قالوا فين
وحوي يا وحوي إياحا
و كمان وحوي إياحا
أهوه جيه يا ولاد
أهوه جيه يا ولاد
جبنا الفوانيس أحمر و أخضر
بعد ما نفطر راح نتحضر
نملا جيوبنا بندق و زبيب
و نهادي بيهم كل حبيب
قالوا فين
لولا الحبايب لولا جينا.. يالا الغفار
و لا تعبنا رجلينا.. يالا الغفار
أهوه جيه يا ولاد.. أهوه جيه يا ولاد
بعديك العيد و بنفرح به
و اللبس جديد هنعيد به
كحك بسكر راح نفطر به
و الزكاة بإيدينا هنوديه
قالوا فين
إدونا العادة.. الله خليكوا
الفانوس أخضر.. الله خليكوا
إدونا العادة.. الشمعة خلصت
أهوه جيه يا ولاد.. أهوه جيه يا ولاد
أغنية هاتو الفوانيس يا ولاد
غناها الفنان محمد فوزي، وهي الأغنية الأشهر المرتبطة بفرحة الأطفال بالفوانيس.
كلمات الأغنية:
هاتو الفوانيس يا ولاد هاتوا الفوانيس
هانزف عريس يا ولاد
هيكون فرحوا تلاتين ليلة
هنغني و نعمل هوليله
وهنشبع من حلوياته
كل حبايبه راح يعزمهم
متواعدين وياه
هيفطرهم و يسحرهم
والخير جيبه معاه
هنغير ريقنا علي خشاف
والفول راح يتاكل حاف
وكنافه وقطايف بيضه
وهتكون سناتكم بيضه
والصايم يديه حسناته
من العشا راح تتلم صحابنا
ونروح كل مكان
ونغني علي نور فوانيسنا
اه يا بنت السلطان
ويابخت اللي يصالح صاحبه
ويسبق بالخير و يروحله
ان شاء الله ميقطعلينا عادة
ويدنوا عليكم بسعادة
علي صوت الطبله
يصحينا ينادينا بحنان
قوم صلي علي الهادي نبينا
يالله اصحي يا نعسان
يا صايم قوم وحد ربك
من غيره يعزك و يحبك
ومتنسوش يا ولاد
العيد بعده هييجي بلبس جديد
واللي هيصلي هيشوف طلباته
شاهد أغنية هاتوا الفوانيس يا ولاد
أغنية المسحراتي
أغنية “المسحراتي” الشهيرة للراحل سيد مكاوي وكلمات فؤاد حداد، تعد من أشهر أهازيج رمضان في مصر.
وتدعو الناس للسحور والعمل الصالح، معلنة بقدوم الشهر الكريم بنغمات طبلة تقليدية.
وأشهر كلماتها
اصحى يا نايم اصحى وحد الدايم
وقول نويت بكره ان حييت
الشهر صايم والفجر قايم
اصحى يا نايم وحد الرزاق
رمضان كريم
أغنية يا بركة رمضان | محمد رشدي
يا بركة رمضان
يا بركة رمضان خليكي
خليكي في الدار
يا بركة رمضان أملي
أملي دارنا عمار
يا بركة رمضان خليكي
خليكي في الدار خليكي ..
يا بركة رمضان خليكي
من العام للعام عايشة معانا
احنا قلوبنا بتسعد بيكي
وأنت الهدى لنفوس حيرانه
جايبه الخير دايماً وياكي
والدنيا بتسعد بلقاكي
يا بركة رمضان خليكي
خليكي في الدار خليكي
يا بركة رمضان ما أحلاكى
نورك بيضوى فى ليالينا
أرواحنا بالشوق حضناكى
يا هدية من ربنا لينا
مع رمضان دايماً بنشوفك
والرحمة شايلاها كفوفك
يا بركة رمضان خليكي
خليكي في الدار خليكي
