موقع اسكتشات فنون سمعية وبصرية
نقدم لكم قصيدة أمي عمود الدار مكتوبة ومسموعة وفيديو للشاعر فارس قطرية مع تحميل القصيدة ت Mp3 Mp4 سمعها ضمن سلسلة قصائده في مناسبات عدة.
وقد ألقى قطرية قصيدة عمود الدار بمناسبة عيد الأم عام 2025 ومن قبل ألقى العديد من قصائده للأم منها قصيدة عظمة امي وقصيدة أنا ابن أمي وقصيدة في حب الأم.
قصيدة أمي عمود الدار مكتوبة ومسموعة | فارس قطرية
كلمات قصيدة أمي عمود الدار
فيه حد راح للنبي في مجلسه وقال له
من أحق الناس بحسن الصحبة يا رسول الله
قال أمك 3 مرات والرابعة قال له أبوك
والأم لو راضية ودعوتها واقفة معاك الكل هيحبوك
القلب زي العسل والدم زي العسل والقعدة زي العسل ومربيانا ملوك
مش عارف أكتب إيه من كتر ما بحبك
وألاقيه يوفيكي
والله لو تطلب عمري اللي جاي كله
ما استخسروش فيكي
ربيتي وسهرتي وشقيتي وكبرتي وتعبتي وعافيرتي
الله يخليكي
زينة المكان يما وأنتي عمود الدار
والدنيا من غيرك لو جنه زي النار
أم الولاد والبنات والضحكة والخناقات
واللمة والحكايات وكبيرة المشوار
زينة المكان يما وأشهد قصاد ربي
كنتي لى نعم السند وخزانة الأسرار
لو تزعلي مني من حاجة باعملها
كل الحياة بتسود
بس عارف إن أنتي مافيش في طيبتك حد
كيسة حاجات حلوة مع كلمتين حلوين
وأدخل عليكي أضحك فتقولي شوفي الواد
وكأن حب الكون لما نزل على الأرض
كان نصه في نصيبك
ويارب يا أمي يا أغلى من عيني الشر ما يصيبك
يجزيكي بحنانك على أهل بيتك خير
ويبعت ملك يحرسك من العين ولا يصيبك
أمي
3 حروف سهلين والمعنى مش كافي
ألف .. إخلاص
وميم .. مأوى
والياء .. ياقوتي صافي
نشيل الست فوق الراس عشان الست دي أمي
يا واخدة القلب بالجملة وتشهد كل أوصافي
بحبك ليه؟!
أقول لك ليه
ضاع عمرك على عيالك ولسه بتوهبي تاني
ولما أمشي وأغيب عنها مافيش ولا مرة تنساني
تكلمني في عز البعد وقت الكل مايسيبني
في ميت مليون سبب يما كفاية شقاكي علشاني
في عيد الأم مش هاكتب في عيد الأم هأدعيلك
وأقول لك إني مش محتاج مناسبة عشان أوري لك
ولا حبي ولا فخري ولا حظي بكون ابنك
ولو هأوهب سنين عمري
ما تكفيش أوفي لك يومين إحسان
يومين يما
تحميل قصيدة أمي عمود الدار فارس قطرية Mp3 Mp4
