طرائف وكوميديا (5)

طرائف وكوميديا (5) هذه مجموعة طرائف من الإنترنت ومواقع السوشيال ميديا تحكي مواقف كويدية، وكتابات ساخرة.

قد يهمك أيضاً متابعة هذه الروابط:

طرائف وكوميديا

رن المبايل

يقول أحدهم : رن موبايلى وأنا في الحمام، وزوجتي كانت تصلي، نظر طفلي علي الموبايل ثم نادى :

بابا .. بابا .. الملكة وردة بتتصل بيك.

الزوجة اكتفت بالفاتحة وركعت وسلمت،وأنا خرجت من الحمام أسأل: وردة مين؟

ونظرت في الموبايل ثم قولت لابني: الله يلعن من درسك اللغة العربية، مكتوب “مكالمة واردة” يا حمار!.

جوزك مات من إيه

القاضي للزوجة: جوزك مات من إيه؟

الزوجة: أكل جبنة مسمومة.

القاضي: طيب والكدمات اللى في وشه دي من إيه؟

الزوجة: ماكنش راضي يبلعها.

مكسل

نفسي أبطل كسل.

وإيه اللي مانعك؟

مكسل.

مبادئ الشعب المصري

هذه هي مبادئ الشعب المصري، لو عرفتها كويس تعرف تعيش معاهم في وئام وانسجام:

  • لازم نعرف إن خير البر عاجله، بس كل تأخيرة وفيها خيرة.
  • وإن معرفة الناس كنوز، بس البعد عن الناس غنيمة.
  • وأن اصرف ما في الجيب يأتيك مافي الغيب، بس القرش الأبيض ينفع في اليوم الأسود.
  • من الأخر بقى إدي العيش لخبازه، بس باب النجار مخلع.
  • النار ما تحرقش مؤمن، بس المؤمن دايماً منصاب.
  • وفي السفر سبع فوائد، بس من خرج من داره اتقل مقداره.
  • ويا بخت من وفق راسين في الحلال، بس امشي في جنازة ولا تمشيش في جوازة.
  • وإن كلنا ولاد تسعة، بس الناس مقامات.

الحمد لله

عامل إيه؟

الحمد لله.

وإيه أخبارك؟

الحمد لله.

الدنيا عاملة معاك إيه؟

الحمد لله.

يا عم الحمد لله على كل حال، بس احكي لي فيك إيه؟

والله ما أخبيش عليك، مشاكل مادية كالعادة، ومشاكل في الشغل، والعيشة بقت صعبة، والطلبات فاتحة بقها، غير مرض الوالدة، وقعدت الواد من غير شغل، وأحوال البلد إللى مش ولا بد، .. و …

يا عم قول الحمد لله.

ما أنا يا ابن ال….. بقى لي ساعة بقول لك الحمد لله و مش عاجبك.

اترك تعليقاً

لن يتم نشر عنوان بريدك الإلكتروني.