موقع اسكتشات فنون سمعية وبصرية
طرائف وكوميديا ساخرة من فيروس كورونا والذي بدأ انتشاره في الصين أوائل 2020 وانتقل إلى معظم دول العالم بسرعة كبيرة.
قد يهمك:
- طرائف وكوميديا ساخرة (1) من فيروس كورونا
- شاهد صور كورونا الحقيقية
- شاهد الصلاة في زمن كورونا
- صور طريفة عن كورونا
- شاهد صور صراع الأطباء مع كورونا
- كاريكاتير عن كورونا (1)
- كاريكاتير عن كورونا (2)
- كاريكاتير عن كورونا (3)
- كاريكاتير عن كورونا (4)
طرائف وكوميديا ساخرة من فيروس كورونا
*** الناس اللى كانت بتقول إحنا داخلين على أيام سودة اصحوا يا حبايبي إحنا وصلنا.
*** في التاريخ: وكان المصريون القدماء في عام ۲۰۲۰ يحتفظون بملابس خروجهم إيمانا منهم بأن هناك حياة بعد الحظر.
*** أنا ممكن أستحمل أیتها حاجة إلا أن مراتي تقول للعيال: عيب کده لعبوا أبوكم معاكم شوية.
*** جوزی رجع من بره خليته يستحمي بديتول ومية بخل وغرغرته بمية عليها معقم للفم ورش كلولنيا . كده كفاية ولا أغليه؟
*** رحت اشتری لب لزنقة الحظر، البياع محترم لابس جوانتي في إيده وماسك على وشه.
قال لي لازم نخاف على غيرنا.. وقام نافخ في القرطاس من تحت الماسك عشان يعبي اللب.
أحب أشكر ظروف الحظر اللى خلتنی أقعد في البيت مع أولادي وأكتشفت إنى معرفتش أربیهم.
*** ياريت اللى حيفضل لأخر ۲۰۲۰ يبقى يطفي النور ويتمم على محبس الغاز ويقفل الباب وراه.
*** صدیق لقيته منزل خبر مفرح وسط الأحداث دي كلها .. عملت له بلوك هو دا وقته.
*** واحد قابل جاره في مدخل العمارة وقف يقول له شايف يا حاج من ساعة ما قفلوا الكوافيرات والستات بانت على طبيعتها.
ردعليه: حاج مين يا عديم النظر أنا مدام رشا جارتك في السابع.
*** سمعت جارتنا بتقول لجوزها لو قعدت عاقل وشاطر هخليك تنزل ترمي الزبالة.
*** من كتر معلومات الكورونا على موبايلي بدل ما يرن بيعطس.
*** الصحة بتقول اغسل ايديك لمدة عشرين ثانية قبل الأكل.
أهلى جايبين كباب رحت أغسل ايدي ورجعت لقيتهم بيشربوا الشای.
طرائف عن كورونا:
*** بعد ما فشل موضوع وعي الشعب إحنا دلوقتي بنراهن على جدعنة الفيروس.
*** النهاردة بس عرفت قيمة الكمامة عديت جنب واحد سالف منه فلوس ومعرفنيش.
*** يوم كمان في البيت وأطلع أضرب جرس الجيران وأجری.
*** أمریکا خصصت ۲ تريليون دولار لمواجهة كورونا.
الموقف ده بيفكرني لما تاخد فلوس حرام من حد فيدعي عليك تصرفها ع الدكاترة.
*** المصريين كل ما يتكلموا يموتوا: موتني من الضحك، أنا ميت من الجوع، أنا ميت من البرد، كنت هموت من الصدمة، أنا ميت من التعب، مت من كتر الشغل، بموت فیکی!!
حقيقة ناس غريبة جداً أموت وأعرف بيجيبوا الكلام ده منين؟
*** على فكرة إنت طلعت سلبية.
وأنت عديم المسئولية وأنانی ومتسلط ومهمل وعايش في الوهم وميتفكرش غير في نفسك ومامتك هي اللى ممشياك.
يا مدام أنا الدكتور وبقولك على نتيجة التحليل.
*** نفتح تدريجي ذي ما تيجي تيجي، ولا تفتح حبة حبة وإللي خايف يستخبى.
*** في زمن الحظر دخل فوجد زوجته تقطع البطاطس فانتابته نفحة رومانسية حانية وقال لها: اوعى تجرحى إيدك.
فأجابته بواقعية مدمرة ليه دخل عليا سيدنا يوسف.
*** موضوع کورونا مش محتاج مسحات ودفع مبالغ طائلة.
بس حتة بسبوسة وحتة جبنة قديمة ودوق.. لو الإثنين نفس الطعم يبقى سلم لي على المترو.
*** ياريت لو فيه لفظ خارج ياخدني معاه.
*** واحد خد مراته وراح حللها كورونا وبعد يومين كلموه، التقرير بتاع مراتك اتلخبط مع تقرير تاني واحنا حالياً مش عارفين هي عندها كورونا ولا عندها زهايمر.
الراجل سأل: طيب أنا المفروض أعمل إيه؟
قالوا له تنزل تروح بها مكان بعيد عن البيت وتسيبها.. لو عرفت ترجع البيت لوحدها متفتحلهاش.
كوميديا ساخرة عن كورونا:
*** أنا أبويا ماصرفش عليا عشان عيل صغير يشوفني في البنك لابس جوانتى يقول لي عاوز تین شوکی.
*** محتارة ألبس إيه بكرة وأنا خارجة للرسبشن.
*** واحد صاحبنا من كتر قعدته في البيت مع مراته حبها وعرض عليها الزواج.
*** إجراءات جديدة للحكومة قد نضطر لأخذ خطوات أكثر قساوة، معقول یاخدوا مفاتیح البيت ويقفلوا علينا.
*** رجاء من الجيران، لما تتخانقوا علوا صوتكم نفهم إيه القصة مش حظر وكمان غموض.
*** قعدت أكح في الشغل عشان يمشونی بدری، مشونی خالص.
*** أحسن عقار لعلاج الكورونا حتى الآن هو العقار إللى إنت ساكن فيه.
*** إن شاء الله بعد ما نخلص من الكورونا حنقسم نفسنا أربع مجموعات:
الأولى حتروح الدكاترة جلدية علشان تتعالج من آثار الكحول والكلور.
الثانية حنروح لدكاترة نفسيين علشان تتعالج من الاكتئاب.
الثالثة حتروح لأخصائي تغذية علشان مش عارفين يطلعوا من الباب.
الرابعة حنروح للمحاكم علشان تخلص إجراءات الطلاق.
*** روحنا نعقم شقة وناخد المريض للحجرن رنينا الجرس أم المصاب فتحت
سألناها فين الحالة؟
قالت: بيجيب عيش من الفرن وجای مش هيتأخر.
قد يهمك:
ههههههه
طريفه هههه