موقع اسكتشات فنون سمعية وبصرية
نقدم لكم تحميل قصيدة حبايب تحت الأرض فارس قطرية مكتوبة وفيديو وmp3.
قد يهمك:
تحميل حبايب تحت الأرض فارس قطرية
مكتوبة
كلمات قصيدة حبايب تحت الأرض فارس قطرية:
هم الحلوين بس الحلوين إللي بيتكلوا على الله أوام
بيلموا عزالهم من بدري ويجروا على الأخرة ما يرموا سلام
بيسيبوا الواحد في الدنيا يتمنى يسيبها ويلحقهم
وبيسرح يتخيل ويقول بوجودهم كات حلوة الأيام
الناس السهلة إللي تريح بتريح بدري وبتغادر
والناس الوحشة المؤذية موتهم بيكون صعب ونادر
في حاجات بتروح منك تقتل وتبوخ أيامك في عنيك
تتمنى تشوفهم لو لحظة من تاني وما بتبقاش قادر
لو كنت عرفت ساعتها بجد إنها هتكون أخر مرة
كنت استنيت جنبك ما مشتش وسبتك من بره لبره
كنت هوريك إزاي قلبي بيحب وجودك وكلالمك
كان أخر حضن هيبقى طويل مش زي التانيين بالمرة
كان كل كلامي هيتبدل وهيبقى دموع رافضة تسلم
كان يبقى في نفسي أسمع صوتك وملامحك وأنت بتتكلم
كنت أخد صورة معاك تذكار وهقول لك خيرك مش هين
وإن انت صحيح كنت حنين وفراقك صعب وهيعلم
كان لازم أكون موجود أكتر وأعيش وياك أوقات أكتر
وتحس إن في ضلك بأكبر بس أنا كنت غشيم بأستكبر وبقول جنبي
في كلام كان لازم أقوله كتير بس ما قولتوش فهشيل ذنبي
الناس بيقولوا عليك مرتاح وإن هقابلك
طب ليه أنا ما ارتحتش قبلك
مشتاق لزعيقك ومشاكلك حتى الجدالات
إزاي بيقولوا عليك ميت وأنا أرد وأقول لأ عمرو ما مات
سيرتك إن تيجي بتبقى بخير وإن أنت أصيل وحبيب الكل
كان حد جميل بنروح له يشيل وبقلب حنين زي الفل
لو أذكر اسمك وسط الناس بكرمك من أجلك وأتقدر
ويقولوا ده من ريحة الغالين إللي ما شفناش زيها تاني
رغم إنك مت خلاص يعني الناس على سيرتك حباني
بس إحنا ما نبحشس حاجة غير لما بنخسرها يا طيب
ننسها ولما تروح منا نقول والنبي ترجع طيب
معاتيه في القرب بنتغابى ونسيب أشياء مش متسابه
أنا بدعي وكلي يقين بالله إن إحنا نشوف بعض قريب
يا كاسرنا يا موت رغم إنك حق وكاس هندوقه وهيجلنا
نفضل عايشين من غير أحباب والواقع صعب بيقتلنا
على كل صينية أكل عزيز مابقاش موجود وسط اللمة
وهدومه وصوره وتفاصيلهم من حزن لحزن بتنقلنا
يا ما لينا حبايب تحت الأرض يا رب تكون الأرض سلام
وحشتنا معاهم فرحتنا ولمتنا ووحشتنا الأيام
الشوكة اتكسرت بغيابهم والدنيا تقيلة على الواحد
اتسرسبوا واحد ورا واحد ما سبوش غير دمعة أكتمها وأنام
ويارب ارحمنا
وعجبي
تحميل حبايب تحت الأرض فارس قطرية Mp3 Mp4
رحمة الله على امواتنا واموات المسلمين
فعلا أفضل الناس بتموت بدري ربنا يرحمهم