موقع اسكتشات فنون سمعية وبصرية
نقدم لكم قصيدة أيامك أجمل في الجنة مكتوبة فارس قطرية، مع تحميل القصيدة Mp3 Mp4.
قد يهمك:
قصيدة أيامك أجمل في الجنة مكتوبة
فارس قطرية
كلمات قصيدة أيامك أجمل في الجنة:
من كام يوم عدى في بالي واحد كان روح بالنسبة لي
إنسان كان أطيب خلق الله وكان يسأل على حالي
زي الأيام دي في وقت بعيد كان جنبي وكنت بطل عليه
وأهو راح واتمدد تحت الأرض وروحه اتسحبت في العالي
أصعب إحساس حد يحسه يصحى من النوم عارف إنه
في حد صحيح كان بيحبه وخلاص ما بقاش موجود منه
لا هينفع يتكلم وياه ولا يضحك ولا يتمشى معاه
يضطر يعيش عمره بدونه لو مش برضاه غصب عنه
إزاي تتعود على إنسان فيروح ويقول لك إنساني
تحفظ تفاصيله وأطباعه وبعديها ما بتشوفهاش تاني
بسهولة وعادي تلاقي الكون بقى ناقص حد بتحبه
والدنيا بتمشي وبتكمل وإنت إللي لوحدك بتعاني
إزاي النيل لسه بيجري وإزي الشمس بتطلع نور
وإزي أما أنت مشيت يا حبيبي الناس كلها ما بكتش بحور
وإزاي الكون ما خلصش خلاص مع إنك بالنسبة لي الكون
وأتاري الدنيا ما بتهديش بيك أو من غيرك عادي تدور
أما أنا من يوم ما أنت اتوفيت وأنا في مكان ضلمة ومكسور
إزاي رمضان يجي علينا وأنت إللي تغيب عني وما تجيش
والعيد ألبسه له الجلبية وأصلي لوحدي وما تصليش
وإزاي يا أبو قلب أبيض هأنسى وكل التفاصيل صورتك فيها
فاكر هتموت يعني لوحدك ما أنا مت معاك مش عارف أعيش
علقت وجودك بالأيام فغيابك بقع على الأيام
ومشيت على طول من غير ما تقول ولا روحت لحد تسيب لي سلام
ووحشني صحيح رغم عتابي وكلام الصعب المتكعبل
بس الإحساس بعدك أصعب وما يتلخصش في أي كلام
من قال إن الدنيا بتمشي لما الغالين عنا بتمشي
وإن إحنا بنقسى ونتعود والوقت طبيب بينسينا
فيه ناس بتروح وتغيب لسنين وبتفضل ذكراهم فينا
بنعيط بعنينا شوية بعدين بنعيط بقلوبنا
ونبان جامدين قدام الناس والسيرة إن جت بتبكينا
طب تعرف ليه حزنك دايم وفراقك عمره ما كان هين
علشان والله ما شفتش حد كان زيك طيب وحنين
كان غاوي يراضي إللى يحبوه يديهم عينه وأيامه
ولا عمرك يوم كنت بتشكي وتشيل الهم ولا تبين
بتزعق قد ما بتزعق ويبان في عنيك إنك طيب
ومشيت من بعدك ولا إنسان كان راضي يواسي ويطيب
ما عرفتش قيمة شئ موجود غير لما الشئ راح من ايدي
طب بص يا سيدي إرجع وهقول على أي كلام حاضر طيب
سلم لي عليك وبلاش تزعل لو كنت بسيبك وحداني
لو يوم ضيقت دماغي عليك وعملت إللي يضايقك تاني
من مدة ما جتش تطمني وبنام أستنى إنك تيجي
وبدعيلك وكمان هدعيلك
أنا زي الفل ومستني عمري إللي هيخلص وهجيلك
فالرحمة إليك وعليك واجبة
تحميل ايامك أجمل في الجنه Mp3 Mp4
رحمة الله على الغالين