موقع اسكتشات فنون سمعية وبصرية
نقدم لكم قصيدة الوصية مكتوبة الشاعر فارس قطرية، مع تحميل القصيدة Mp3 Mp4.
قد يهمك:
قصيدة الوصية مكتوبة
الشاعر فارس قطرية
كلمات قصيدة الوصية الشاعر فارس قطرية:
إذا مت يوماً قبل أن تموتوا والله شهيد أنني أريد ذلك فتلك وصيتي
لأمي
عارف إن الوقت يمكن مش مناسب أقول بحبك
وإن غايب فترة جامدة ومش هشوفك تاني لكن
كنت خير من شال همومي وحاجة بتحلي الأماكن
إنت بالذات مش هقول لك الوداع
عشان أساساً مافيش وداع بين قلبي يا مه وحد فيه طول عمره ساكن
السنين مش بالعدد واللحظة وأنا جنبك سنين
ماتعيطيش وادعي لي يا مه أنا جسمي طين وهروح لطين
أنا مش حزين أنا كان في نفسي أبقى جنبك حبة تاني
بس يا مه الموت ده وعد وكلنا بيه موعدين
سيري ما تقلوهوش لخالتي لو كلامك جه علي
لما يوم تدمع عنيكي هاتي أبويا وروحي جاية
هأبقى مستنيكي عارف إن عمرك ما تفوتيني
هتزروني وتاخدي حسي وونسك وتونسيني
كلميني وضحكيني وهزقيني وبكتيني
وهأبقى أسمعك تحت وأضحك
كل حاجة ما بينا يا مه إعمليها وفرحيني
عارف إني أكيد ماكنتش زي ما إنت حلمتي أكون
هونت يامه كتير علي وعمري على قلبك ما أهون
موتي عمري ما كان فارق لي أد إني خلاص هسيبك
ارض عني إن يوم خذلتك ولا خيبت الظنون
إنت أطهر واحدة حبتني في حياتي وبلاش
قلبي عمره ما يلقى صبرك أو هيلقى إن مهما عاش
كنت قد الحمل يامه وكنت أزيده تشيلي راضية
أشهد الله إنت كنت طيبة عمري ما شفتهاش
لأبويا
كنت سيد الناس يا طيب
قاسي يمكن بس طيب
لما كانت كل حاجة صعبة على روحي وغريبة
كنت على أد أما تقدر إيد تطيب
مش هقول لك غير بحبك قد كل جميل عطيته
إنت أول اسم يمكن في الكلام أصلاً نديته
كنت أد الدنيا دايما عمر ضهرك يوم ما ميل
كنت طفل وكنت عيل ثم راجل انت بيته
لو حزين على حاجة مني جاي أقول أهو سماح
ليك في قلبي سنين مودة وحضن كان دايما متاح
عارف إن أنا مش مثالي وكنت دايما حد طايش
برده عارف قلبك أبيض والزعل مش مستباح
ابقى صلى لي وجيلي وشيل منابي من الضحية
ابقى اذكر اسمي دايما واحكي لأخواتك علي
قولهم كان واد حنين كان سهن ومش مبين
شكله قاسي وطبعه لين كان بيكتب شعر في
وقول علي كل حاجة بس اوعى تنسى شكلي
ابقى سيبهم ياكلوا أكلي بس أوضتي سيبها لي
لأصحابي
إيه يا شلة إيه يا أغلى وأوطى ناس حبيتها من قلبي بصحيح
طمنوني الوقت دوني عامل إيه
أكيد مريح كنت أكئب حد عايش بس صحيح حبيبكو
وادي جه وقتي وهاسيبكو والكلام هيكون صريح
إللي فيكو هيبقى كاره رغم إني اديتوا ياما
وإللى كان بيعزني وفراقي هيسيب فيه علامة
إللي كاره باعتذر له لو جرحته بدون ما لاحظ
وإللي بيعز ابقى زرني لحد ما تقوم القيامة
ابقى هاتوا السيرة دايماً بس بالخير لو سمحتو
أي حد في قلبه حاجة بجد أسف لو جرحته
كان في قلبي معزة خاصة لكل واحد فرد فرد
هياكلني دود الأرض وانتوا هتبقوا فوقه وجسمي تحته
لموا نفس اللمة مرة وهاتوا كام مصحف زروني
هي مرة أنا مش هتقل بس تيجوا تونسوني
كل واحد يقرا حبة ويحكي على قد المحبة وارغوا زي ما أكون معاكو
واللي مايجيش عرفوني
أمانة من اللي أكل معاكو وشرب معاكو وضحك معاكو وبكى في بكاكم تذكروني
وعجبي
تحميل الوصيه فارس قطريه Mp3 Mp4
ربنا يحسن خاتمتنا
مؤثرة