موقع اسكتشات فنون سمعية وبصرية
نقدم لك لكم قصيدة بناقص الناقص فارس قطرية كلمات، مع تحميل القصيدة Mp3 Mp4.
قد يهمك:
قصيدة بناقص الناقص
فارس قطرية
كلمات قصيدة بناقص الناقص فارس قطرية:
ما بناقص الناقص ويغروا في الوحلة
ربك ساعات ياخد عشان يجيب أحلى
زعلان وليه وزعلان
على مين يا واد يا عبيط
ازعل لكن تزعل على حاجة مستاهلة
تتأسف إن تغلط مش لما يتقمصوا
كتر الأسف عيب لو كنت مش غلطان
عاقب وسيب واعرف إن الحقوق واجب
وانك تسيبها دا شيئ بيعلم العصيان
في ناس تشوفك رخيص لو سبتها تزود
وفي ناس وجودها حرام وحرام صحيح تتصان
وبناقص اللمة، لو لمة كذابة
وبناقص الصحبة. لو صحبة قلابة
وفر حاجات حلوه جواك لناس حلوين
أما السلام يكفي لو خلق متعابة
عيش تشتري دماغك بفلوس وبني أدمين
إن عشت ترضي الناس هيموتوك يا حزين
رايق ووحداني أجمل كتير وأنضف
من فكرة اللمة بس لمة مش سالكين
مش عيشت دور الجدع وادوك على دماغك
مش ردوا كل جميل بقلم على سداغك
مش طلعوك الوحش أبو قلب أسود فحم
وانت الأصول قتلاك مديت ايديك بسلام
الخير صحيح بيفوز وبينتصر ع الشر
بس انت في الواقع بيفوزوا في الأفلام
الدنيا عايزة القوي علشان هتزعل قوي
لو عشت بين مجانيين واخترت تبقى السوي
ودي قاعدة معروفة إن القوي بينتصر
وإن الطري بينكسر والصلب لا يلتوي
بزيادة حب الناس كسرتنا بزيادة
مش هأرضى أسامح حد على غلطة متعادة
منا مش هعيش أتعب علشان أريحكم
من عمري هامسحكم وهغير العادة
وإن كنت هابقى وحيد طول عمري وحداني
أوضتي اللي لمتني هدخلها من تاني
وهصاحب القهوة والسماعات والليل
دي حاجات ما بتسبنيش وبتبقى علشاني
أما انتوا سبتوني رغم إني ما بقصرش
تاخدوا العتاب بهزار وأنا كت ما بهزرش
باسكت عشان الكلام بيزيد ومش بيفيد
فوصلت أنا لدرجة تأذوني متأصرش
لا مش أنا وهترجعولي ساعتها هأقول بطلت طيبة وجدعنة
بطلنا نحرق دمنا على ناس بتعشق غلبنا
هنشوف بديل بيحبنا ونعيش معاه لأخر سنة
ياخي أي جابر نقي الكلاب غيرش البشر صعبين أوي
إن شموا فيك ريحة الوصول بيعوروك جامد أوي
عشرين سنة وحبة كلام عشرة وعلام وجراح كتير
كفوني أعرف مين مريض عاوز علاج ومين سوي
مرض النفوس أصعب كتير وملوش علاج حله اجتناب
ما يفدش فيه الأدوية ولا تعدله اللوم والعتاب
كنت لما حد يخون جميلي أقول ده كلب ومش أصيل
أتريني أصلاً كنت بغلط في الكلاب
وعجبي
تحميل فارس قطريه بناقص الناقص Mp3 Mp4 دندنها
فعلا بناقص أي حد ناقص ومعندوش أصل